पहिल्याच दिवशी सोने चांदीची मोठी घसरण- शेअर बाजार मात्र तेजीत भाव वधारले
व्यावसायिक प्रतिनिधी
काल झालेल्या व्यावसायिक शेअर बाजारात मोठी घसरण पाहण्यास मिळाली सोने चांदी दरात घसरण झाली तर शेअर बाजार मात्र तेजीत असल्याचे चित्र दिसत आहे-बाजारात : दिवाळीला विक्रम संवत २०८१ च्या पहिल्या दिवशी शेअर बाजारात तेजीचे फटाके फुटले. मुंबई शेअर बाजाराचा सेन्सेक्स ३३५.०६ अंकांनी अथवा ०.४२ टक्क्याने वाढून ७९,७२४.१३ अंकांवर बंद झाला. राष्ट्रीय शेअर बाजाराचा निफ्टी ९९ अंकांनी अथवा ०.४१ टक्क्याने वाढून २४,३०४.३५ अंकांवर बंद झाला.
सायंकाळी ६ ते ७ या वेळात शेअर बाजारात मुहूर्ताचे ट्रेडिंग झाले. बाजारातील मुहूर्त ट्रेडिंग हे १ तासाचे प्रतीकात्मक ट्रेडिंग असते. दरवर्षी दिवाळीच्या दिवशी सायंकाळी ते होते. शुक्रवारच्या मुहूर्त सौद्यांत निफ्टीमधील ५० पैकी ४२ कंपन्यांचे समभाग तेजीत राहिले. ८ कंपन्यांचे समभाग घसरले.
सोने ३००, चांदी १५०० रुपयांनी घसरली : सोने-चांदीच्या भावात लक्ष्मीपूजनाच्या दिवशी घसरण झाली. सोने ३०० रुपयांनी घसरून ७९ हजार ७०० रुपयांवर आले तर चांदीत थेट एक हजार ५०० रुपयांची घसरण होऊन ती ९७ हजार ५०० रुपयांवर आली असेही वृत्त एका वर्तमानपत्राच्या वेबसाईटवर ही देण्यात आलेले आहे
