सर्व खाजगी आस्थापनांमध्ये अंतर्गत तक्रार समिती स्थापन करण्याचे जिल्हा महिला व बाल विकास विभागाचे आवाहन..

            ठाणे, प्रतिनिधी:- कामाच्या ठिकाणी महिलांच्या होणाऱ्या लैंगिक छळाच्या (प्रतिबंध मनाई अणि निवारण) अधिनियम 2013 (Posh Act) ची प्रभावी अंमलबजावणी करण्यासाठी Posh Act 2013 मधील कलम 4 अन्वये ज्या कार्यालयामध्ये 10 किंवा 10 पेक्षा जास्त कर्मचारी असतील अशा सर्व खाजगी आस्थापनांमध्ये अंतर्गत तक्रार समिती स्थापन करणे बंधनकारक आहे. व सदरच्या आस्थापेनेतील अंतर्गत तक्रार समितीची नोंदणी SHE BOX PORTAL वर नोंदणी करण्यासाठी केंद्र शासनाचे निर्देश आहेत. त्यासाठी ठाणे जिल्ह्यातील सर्व खाजगी आस्थापनांनी SHE BOX PORTAL वर नोंदणी करण्यासाठी जिल्हा महिला व बाल विकास अधिकारी संतोष भोसले यांनी आवाहन केले आहे.

SHE BOX पोर्टवर खाजगी आस्थापनेतील अंतर्गत तक्रार समिती नोंदविण्याची कार्यपध्दती खालील प्रमाणे SHE Box पोर्टलवर अंतर्गत तक्रार समिती नोंदविण्यासाठी https://shebox.wcd.gov.in या वेबसाईटवर जाऊन होम स्क्रीनवर दाखविल्याप्रमाणे अंतर्गत तक्रार समिती नोंदवा (Private Head Office Ragistration) या टॅब वर Click करुन आवश्यक त्या सर्व महितीचा तपशिल भरुन Submit या Tab वर Click करुन अंतर्गत तक्रार समितीची महिती नोंदवता येईल, असे जिल्हा महिला व बाल विकास अधिकारी संतोष भोसले यांनी कळविले आहे.

00000