महाराष्ट्र दिनाची पूर्व तयारी आढावा बैठक…
नवी मुंबई, प्रतिनिधी:- 1 मे, महाराष्ट्र स्थापना दिनाच्या अनुषंगाने पूर्व तयारीची बैठक अपर आयुक्त (सामान्य प्रशासन) राजलक्ष्मी शहा यांच्या अध्यक्षतेखाली संपन्न झाली.
कोकण भवनातील पहिला मजला समिती सभागृह येथे झालेल्या या बैठकीत कोकण विभागातील विविध कार्यालयातील अधिकारी/कर्मचारी उपस्थित होते.
महाराष्ट्र स्थापना दिनानिमित्त विभागीय स्तरावरील मुख्य शासकीय ध्वजारोहण दि. 1 मे, 2025 रोजी सकाळी 8.00 वाजता कळंबोली सेक्टर-17 येथील पोलीस मुख्यालयाच्या मैदानावर होणार असून. त्या अनुषंगाने बैठकीत मार्गदर्शन करताना श्रीमती शहा यांनी कोकण भवनातील सर्व शासकीय यंत्रणांनी हा सोहळा शासनाने दिलेल्या सूचनांचे काटेकोरपणे पालन करुन यशस्वीरित्या साजरा करण्याबाबत सूचना दिल्या. प्रत्येक विभागाने आपली जबाबदारी व्यवस्थित पार पाडावी आणि हा कार्यक्रम उत्साहात साजरा करावा, असे सांगून सर्वांनी शासकीय पोशाखात कार्यक्रमास उपस्थित राहावे. असे ही त्यांनी यावेळी सांगितले.
000 000
