बॉलिवुडच्या रिॲलिटी शोच्या अभिनेत्रीला रेव्ह पार्टी भोवली,इगतपुरीत दोन बंगल्यांवर पोलिसांचा छापा

प्रतिनिधी,

ड्रग्ज, कोकेन पावडर याचा नंगानाच करणाऱ्या रेव्ह पार्टीत तयारी करणाऱ्या माफिया आणि कलाकारांचा बॉलिवुडच्या कोरिओग्राफरसह रिॲलिटी शोच्या अभिनेत्रीला रेव्ह पार्टी भोवली; इगतपुरीत दोन बंगल्यांवर पोलिसांचा छापा ड्रग्ज, कोकेन पावडर, हुक्का जप्त.ग्रामीण पोलिसांचे पथक मुंबईला रवाना

नाशिक : बॉलिवुडमधील दोन कोरिओग्राफर, तामिळ आणि काही हिंदी चित्रपटांत अभिनय केलेल्या अभिनेत्रींसह एका रिॲलिटी-शोमधील अभिनेत्री यांना इगतपुरीमध्ये रेव्ह पार्टी करणे चांगलेच भोवले. पोलिसांच्या धाडीत येथील बंगल्यातून १० पुरुष आणि १२ महिला मिळून एकूण २२ व्यक्ती ड्रग्ज, कोकेन, गांजा सारख्या अमली पदार्थांचे सेवन करताना पोलिसांना सापडले. इगतपुरीचा परिसर नेहमीच पर्यटकांपासून बॉलिवुडच्या कलाकारांना भुरळ घालणारा ठरला आहे. पावसाळ्यात येथील निसर्गसौंदर्य अनेकांना खुणावते. याचाच गैरफायदा घेत अंमली पदार्थांची नशा करण्याकरिता मुंबई येथून हायप्रोफाईल सिनेतारकांचाही राबता या भागात असल्याचे या कारवाईतून पुन्हा एकदा दिसून आले आहे. येथील दोन खासगी बंगल्यात मध्यरात्रीच्या सुमारास ड्रग्ज, कोकेन, हुक्कासारख्या अंमली पदार्थांची नशा करत बॉलिवूडशी संबंधित चार महिलांसह एकूण २२ उच्चभ्रू व्यक्तींचा समुहाची पार्टी होत असल्याची गोपनीय माहिती नाशिकचे पोलीस अधीक्षक सचिन पाटील यांना मिळाली. मध्यरात्री अडीच वाजेच्या सुमारास पोलिसांनी छापा टाकत या सर्वांना ताब्यात घेतले. यावेळी पोलिसांनी अंमली पदार्थांची नशा करत ‘रेव्ह पार्टी’च्या नावाखाली धिंगाणा घालणाऱ्या सर्वांना ताब्यात घेत पोलीस वाहनातून त्यांना नेण्यात आले