ज्येष्ठ साहित्यिक व कलाकारांसाठी आनंदाची संधी!राजर्षी शाहू महाराज मानधन सन्मान योजना २०२५-२६-३१ जुलै २०२५ पर्यंत ऑनलाईन अर्ज करण्याचे आवाहन
ठाणे प्रतिनिधी (जिल्हा परिषद, ठाणे) – महाराष्ट्र शासनाच्या राजर्षी शाहू महाराज ज्येष्ठ साहित्यिक व कलावंत मानधन सन्मान योजना २०२५-२६ अंतर्गत कला व साहित्य क्षेत्रातील उल्लेखनीय योगदान देणाऱ्या ज्येष्ठ साहित्यिक व कलाकारांना दरमहा ५,००० रुपये मानधन देण्यात येणार आहे.
या योजनेचा लाभ घेण्यासाठी पात्र लाभार्थ्यांनी दि. ३१ जुलै २०२५ पर्यंत आपले सरकार पोर्टलवर https://aaplesarkar.mahaonline.gov.in या लिंकमार्फत ऑनलाईन अर्ज करावा, असे आवाहन जिल्हा परिषद, ठाणे मार्फत करण्यात येत आहे.
पात्रता निकष:• अर्जदाराचे वय ५० वर्षे किंवा त्यापेक्षा जास्त असावे• दिव्यांग व्यक्तींसाठी वयोमर्यादा ४० वर्षे• कला/साहित्य क्षेत्रातील किमान १५ वर्षे सातत्यपूर्ण व दर्जेदार योगदान असणे आवश्यक• अर्जदाराचे वार्षिक उत्पन्न ६०,०००/- रुपयांपेक्षा कमी असावे• फक्त कलेवर अवलंबून असणारे किंवा सध्या उत्पन्नाचा अन्य स्रोत नसलेले कलाकार• केंद्र/राज्य शासनाच्या कोणत्याही नियमित मासिक पेन्शन योजनेत समाविष्ट नसलेले• अर्जदार महाराष्ट्राचा रहिवासी असणे बंधनकारक• विधवा, परित्यक्ता, दिव्यांग, वयाने ज्येष्ठ कलाकारांना प्राधान्
आवश्यक कागदपत्रे:• वयाचा दाखला• आधार कार्ड• रहिवासी दाखला• उत्पन्नाचा दाखला• प्रतिज्ञापत्र• पती-पत्नीचा एकत्रित फोटो (लागू असल्यास)• बँक पासबुक झेरॉक्स• अपंगत्वाचा दाखला (लागू असल्यास)• पुरस्कार प्रमाणपत्र (लागू असल्यास)• शिफारसपत्र (नामवंत संस्था/व्यक्तीचे – लागू असल्यास)• कलात्मक कार्याची विविध साक्षी/पुरावे
ठाणे जिल्ह्यातील पात्र ज्येष्ठ साहित्यिक व कलाकारांनी या योजनेचा लाभ घेण्यासाठी वेळेत अर्ज करावा, असे आवाहन उप मुख्य कार्यकारी अधिकारी (ग्रामपंचायत विभाग) प्रमोद काळे यांच्यामार्फत करण्यात आले आहे.
