उपविभागीय अधिकारी अलिबाग यांच्या न्यायालयात महसूल लोक अदालतीचे आयोजन

रायगड प्रतिनिधी:- उपविभागीय अधिकारी अलिबाग यांच्या अलिबाग येथील न्यायालयात दि.11 ऑगस्ट, 12 ऑगस्ट, 18 ऑगस्ट, 19 ऑगस्ट व 25 ऑगस्ट 2025 या दिवशी सकाळी 12.00 ते दुपारी 02.00 व दुपारी 03.00 ते सायंकाळी 05.00 या वेळेत महसूल लोक अदालतीचे आयोजन करण्यात आले असून उपविभागातील अलिबाग व मुरुड तालुक्यातील व या न्यायालयातील संबंधित सर्व मान्यवर विधिज्ञ, संबंधित पक्षकारांनी अपिलांचा जलद गतीने निपटारा करण्याचे असल्याने सदर दाखल असलेल्या अपिल प्रकरणांमध्ये या न्यायालयात “महसूल लोक अदालती मध्ये त्या दिवशी आयोजित होणाऱ्या सुनावणीचे दिवशी संबंधित विधिज्ञ व त्यांचे पक्षकार यांनी समेटाने मिटणाऱ्या प्रकरणांमध्ये लेखी म्हणणे न चुकता सादर करावे, असे आवाहन उपविभागीय अधिकारी अलिबाग मुकेश चव्हाण यांनी केले आहे.महसूल प्रशासनातील मंडळ अधिकारी, तहसिलदार व उपविभागीय अधिकारी यांच्याकडील अर्धन्यायिक कामाकाजामध्ये अनेक वेळा महसुली दावे दाखल झाल्यानंतर विविध कारणांमुळे प्रलंबित राहतात. याकरिता महसूल मंत्री, महोदयांनी दि.23 जुलै 2025 रोजी व्हिडीओ कॉन्फरन्सद्वारे महसुल अधिकारी यांच्या घेतलेल्या आढावा सभेमध्ये प्रलंबित असलेल्या प्रकरणांमध्ये तातडीने कार्यवाही करण्याचे आदेश दिलेले आहे. त्यानुसार या न्यायालयाकडील प्रलंबित असलेल्या सर्व अपिले/दाव्यांचे अनुषंगाने अपर जिल्हाधिकारी रायगड-अलिबाग यांनी त्यांच्याकडील क्रमांक अजिरा/महसुल लोक अदालत/2025, दि.29 जुलै 2025 रोजीच्या आदेशाने या न्यायालयात “महसूल लोक अदालत” चे आयोजन करुन सदरची अर्धन्यायिक प्रकरणे जलदगतीने निर्णयांकित करणेकामी सूचना दिलेल्या आहेत.

00000