सातारा तालुका पंचायत समिती सदस्य पदासाठी आरक्षण सोडत 13 ऑक्टोबर रोजी*

सातारा प्रतिनिधी महाराष्ट्र जिल्हा परिषदा व पंचायत समित्या अधिनियम, १९६१ मधील तरतुदीनुसार व महाराष्ट्र जिल्हा परिषदा आणि पंचायत समित्या (जागांच्या आरक्षणाची पध्दत व चक्रानुक्रम) नियम, २०२५ नुसार पंचायत समिती क्षेत्रात सभा घेऊन अनुसूचित जाती, अनुसूचित जमाती, नागरिकांचा मागासवर्ग प्रवर्ग व त्यामधील स्त्रियांसाठी राखून ठेवावयाच्या जागा आणि सर्वसाधारण स्त्रियांसाठी राखून ठेवावयाच्या जागा निश्चित करावयाच्या आहेत. त्याकरिता सातारा तालुक्यातील पंचायत समिती निर्वाचक गणातील सदस्य पदासाठी आरक्षण सोडत स्व.आ.श्रीमंत छत्रपति अभयसिंहराजे भोसले सभागृह पंचायत समिती सातारा येथे दिनांक 13 ऑक्टोबर 2025 रोजी सकाळी 11.30 वाजता होणार आहे. सातारा तालुक्यातील पंचायत समिती कार्यक्षेत्रातील नागरिकांनी सोडतीस उपस्थित राहण्याचे आवाहन तहसीलदार सातारा यांनी केले आहे.

000