नमुंमपा परिवहन उपक्रमाची आयटीएमएस प्रणाली व बस ट्रॅकर ॲप पूर्ववत कार्यान्वित

   नवी मुंबई प्रतिनिधी     नवी मुंबई महानगरपालिका परिवहन उपक्रमाच्या आयटीएमएस (ITMS – Integrated Transport Management System) सर्व्हरमध्ये अचानक तांत्रिक बिघाड निर्माण झाल्याने एनएमएमटी ची बस ट्रॅकर ॲप सेवा (NMMT Bus Tracker App) सेवा बंद झाली होती. तथापि एनएमएमटीच्या आयटीएमएस विभागामार्फत ही तांत्रिक अडचण तातडीने दुरूस्ती करून दूर करण्यात आलेली आहे. त्यामुळे एनएमएमटी बस ट्रॅकर ॲप प्रणालीदेखील सुरळीत सुरू झालेली आहे. त्यामुळे प्रवाशांना या ॲपद्वारे बसगाड्यांविषयी माहिती ट्रॅक करता येणार आहे तसेच बसेसच्या लोकेशन्सची माहिती पूर्ववत उपलब्ध होणार आहे. त्याचप्रमाणे ॲपव्दारे मिळणा-या इतरही सुविधांचा लाभ घेता येणार आहे. अचानक उद्भवलेल्या या तांत्रिक अडचणीमुळे दरम्यानच्या काळात प्रवाशांना झालेल्या असुविधेबद्दल नवी मुंबई महानगरपालिका परिवहन उपक्रमाच्या वतीने दिलगिरी व्यक्त करण्यात येत असून या कालावधीत प्रवाशांनी केलेल्या सहकार्याबद्दल नमुंमपा परिवहन प्रशासनाकडून आभार मानण्यात येत आहेत.

00000