स्पर्धा परीक्षार्थ्यांसाठी सुविधा-कौशल्य विकास केंद्रातर्फे विनामूल्य अभ्यासिका
अकोला, प्रतिनिधी : जिल्हा कौशल्य विकास रोजगार व उद्योजकता मार्गदर्शन केंद्रातर्फे स्पर्धा परीक्षेची तयारी करणा-या विद्यार्थ्यांसाठी विनामूल्य अभ्यासिका सुरू करण्यात आली आहे.
जिल्हाधिकारी कार्यालय परिसरातील प्रशासकीय इमारतीच्या दुस-या माळ्यावर मॉडेल करिअर सेंटर येथे अभ्यासिका सुरू आहे. केंद्र लोकसेवा आयोग, राज्य लोकसेवा आयोग, रेल्वे, पोलीस भरती, बँकिंग यासह महाविद्यालयीन विद्यार्थ्यांना अभ्यासिकेत प्रवेश मिळेल. येथे अभ्यासासाठी शांत व सुसज्ज वातावरण उपलब्ध आहे. गरजू विद्यार्थ्यांनी लाभ घेण्याचे आवाहन सहायक आयुक्त प्रफुल्ल शेळके यांनी केले.
०००
