परभणी जिल्ह्यातील जलजीवनमिशन अंतर्गत अपूर्ण कामे पूर्ण करण्याचे निर्देश ऊर्जा राज्यमंत्री मेघना साकोरे-बोर्डीकर यांनी दिले.

राज्य प्रतिनिधी -निर्मल भवन, मुंबई

परभणी जिल्ह्यातील #जलजीवनमिशन अंतर्गत अपूर्ण कामे पूर्ण करण्याचे निर्देश ऊर्जा राज्यमंत्री मेघना साकोरे-बोर्डीकर यांनी दिले. एमएसआरडीसीच्या कार्यालयात जिल्ह्यातील जल जीवन मिशन अंतर्गत कामाची आढावा बैठक झाली. यावेळी #पाणीपुरवठा विभागाचे मुख्य अभियंता प्रशांत भामरे, महाराष्ट्र जीवन प्राधिकरणाचे मुख्य अभियंता अजय सिंग यासह वरिष्ठ अधिकारी उपस्थित होते.

गंगाखेड, जिंतूर, मानवत, पालम, परभणी, पाथरी, पूर्णा, सेलू, सोनपेठ येथील कामे गतीने पूर्ण करावीत. पालम व गंगाखेड तालुक्यातील टंचाई निवारणार्थ विशेष दुरूस्ती कामे प्राधान्याने करावीत. वस्सा, चारठाणा, पिंपळगाव, काजळी तांडा येथील कामे पूर्ण करावीत, असे निर्देश राज्यमंत्री साकोरे-बोर्डीकर यांनी दिले.