बंद कालावधीत औषध पुरवठ्याकरिता अन्न व औषध प्रशासन विभाग सज्ज
रायगडअलिबाग, प्रतिनिधी ‘आखिल भारतीय औषधी विक्रेता संघटना (AIOCD)’ व ‘महाराष्ट्र राज्य औषध विक्रेता संघटना (MSCDA)’ यांनी संपूर्ण भारतभर बुधवार दि.20 मार्च 2026 रोजी एक दिवसासाठी देशातील सर्व ठोक व किरकोळ विक्रेत्यांचा बंद घोषित केला आहे. रायगड जिल्हा औषधी विक्रेता संघटनाही या बंद मध्ये सहभागी होणार असल्याचे या कार्यालयास ज्ञात झाले आहे. या कालावधीत रूग्णांची औषधांसाठी मोठ्या प्रमाणात गैरसोय होण्याची शक्यता नाकारता येत नाही. याकारणास्तव बंद कालावधीमध्ये रूग्णांची गैरसोय होऊ नये व त्यांना औषधांचा पुरवठा व्हावा याकरिता सहायक आयुक्त (औषधे), अन्न व औषध प्रशासन (म.रा.) रायगड-पेण यांच्याकडून योग्य ती खबरदारी घेवून उपाययोजना करण्यात आल्या असल्याची माहिती सहायक आयुक्त (औषधे), अन्न व औषध प्रशासन (म.रा.) रायगड-पेण रा.बा.बनकर यांनी दिली आहे.
०००००००
