मराठा समाजातील विद्यार्थ्यांसाठी महत्त्वपूर्ण निर्णय-मराठा समाजाला ओबीसीप्रमाणे सर्व शैक्षणिक सवलती मिळतील .
राज्य प्रतिनिधी-
महाराष्ट्र शासनाने दिनांक ५ जून २०२६ रोजी घेतलेल्या निर्णयानुसार मराठा समाजातील विद्यार्थ्यांना इतर मागासवर्गीय (OBC) विद्यार्थ्यांप्रमाणे विविध शैक्षणिक सवलती, शिष्यवृत्ती योजना आणि प्रशिक्षण सुविधांचा लाभ उपलब्ध करून देण्यात येणार आहे.
या निर्णयांतर्गत शालांत परीक्षापूर्व व परीक्षोत्तर शिष्यवृत्ती, व्यावसायिक शिक्षण शुल्क प्रतिपूर्ती, आयटीआय प्रशिक्षण शुल्क प्रतिपूर्ती, सारथी संस्थेमार्फत मोटार वाहन चालक प्रशिक्षण योजना तसेच इतर विविध शैक्षणिक योजनांचा समावेश करण्यात आला आहे.
कॅप (CAP) प्रक्रियेनंतर संस्थास्तरावर प्रवेश घेणाऱ्या पात्र विद्यार्थ्यांनाही या योजनांचा लाभ मिळणार असून, भविष्यात ओबीसी प्रवर्गासाठी लागू होणाऱ्या नवीन शैक्षणिक सवलतीदेखील मराठा समाजातील विद्यार्थ्यांना लागू राहतील.
हा निर्णय शैक्षणिक वर्ष २०२६-२७ पासून अंमलात येणार असून, लाभार्थ्यांसाठी महाडीबीटी (MahaDBT) पोर्टलवर आवश्यक तांत्रिक सुविधा उपलब्ध करून देण्यात येणार आहेत.🎓 विद्यार्थ्यांच्या शैक्षणिक प्रगतीसाठी महत्त्वपूर्ण ठरणाऱ्या या निर्णयाची माहिती अधिकाधिक विद्यार्थ्यांपर्यंत पोहोचवूया.
0000
