मुख्य अभियंता मृद व जलसंधारण यांचे कार्यालय कार्यान्वित
छत्रपती संभाजीनगर, प्रतिनिधी)-जिल्ह्यातील मुख्य अभियंता मृद व जलसंधारण हे कार्यालय आजपासून कार्यान्वित झाले. मुख्य अभियंता म्हणून हरिभाऊ गिते यांनी कार्यालयाच्या कामकाजास सुरुवात केली. मृद व जलसंधारण आयुक्त प्रतिभा इंगळे, ‘वाल्मी’चे महासंचालक सुनिल कुशिरे, जलसंधारण महामंडळाचे व्यवस्थापकीय संचालक विजय देवराज, वाल्मी सहसंचालक सुभाष कापगाते, जिल्हा जलसंधारण अधिकारी नरेद्र कटके, जलसंधारण महामंडळाचे मुख्य लेखा परीक्षक गणेश पाटील, उपअभियंता किरण चाबुस्कवार, धोडाराम कासले, गणेश मुळे, महेश निनाळे, पवन ठरले, सह प्रादेशिक दक्षता गुण नियंत्रक कार्यलय, वाल्मी व आयुक्त कार्यालयामधील अधिकारी व कर्मचारी आदी यावेळी उपस्थित होते.
मृद व जलसंधारण विभागाच्या दि.२७ मे च्या शासन निर्णयानुसार मुख्य अभियंता मृद व जलसंधारण छत्रपती संभाजीनगर या कार्यालयाची नव्याने निर्मिती करण्यात आली आहे. या कार्यालयाचे कार्यक्षेत्र छत्रपती संभाजीनगर प्रादेशिक विभागातील ८ तसेच नाशिक प्रादेशिक विभागातील ५ असे एकूण १३ जिल्ह्यांचे असणार आहे. या कार्यालयाचे पहिले मुख्य अभियंता म्हणून हरिभाऊ गिते यांची करण्यात आली आहे.आयुक्त मृद व जलसंधारण यांनी त्यांचेकडे हा पदभार देण्यात आला आहे. वाल्मी परिसर, कांचन वाडी, पैठण रोड, छत्रपती संभाजीनगर येथे हे कार्यालय कार्यान्वित झाले आहे.
०००००
