डॉक्टर्स डे निमित्त संत गजानन मल्टीस्पेशालिटी हॉस्पिटलमध्ये उद्या भव्य रक्तदान शिबिर

जालना,  प्रतिनिधी: राष्ट्रीय डॉक्टर्स डे निमित्त संत गजानन मल्टीस्पेशालिटी हॉस्पिटल, खरपुडी रोड, मंठा बायपास, जालना यांच्या वतीने शुक्रवार, दि. ३ जुलै रोजी सकाळी ९ ते सायंकाळी ४ या वेळेत भव्य रक्तदान शिबिराचे आयोजन करण्यात आले आहे.हे शिबिर आधार ब्लड बँक, जालना यांच्या सहकार्याने राबविण्यात येणार असून नागरिकांनी मोठ्या संख्येने रक्तदान करून सामाजिक दायित्व पार पाडावे, असे आवाहन आयोजकांनी केले आहे

रक्तदानामुळे अनेक गरजू रुग्णांना नवजीवन मिळते. “रक्तदान हेच जीवनदान” या संदेशाचा प्रसार करण्यासाठी आयोजित या उपक्रमात निरोगी नागरिकांनी स्वयंस्फूर्तीने सहभागी व्हावे, असेही आयोजकांनी म्हटले आहे

शिबिरात सहभागी होणाऱ्या प्रत्येक रक्तदात्यास रक्तगट नमूद असलेले ओळखपत्र तसेच सवलत प्रमाणपत्र देण्यात येणार आहे.या उपक्रमाचे आयोजन संत गजानन मल्टीस्पेशालिटी हॉस्पिटलचे संचालक डॉ. रोहित सुरेश कासट, डॉ. कुलभूषण आर. मराठे, डॉ. विपिन कासट आणि डॉ. विकास कातारे यांच्या मार्गदर्शनाखाली करण्यात आले आहे

रक्तदान शिबिराबाबत अधिक माहितीसाठी किंवा नाव नोंदणीसाठी आधार ब्लड बँक, जालना (मो. ९९२३९५२३७७) येथे संपर्क साधावा, असे आवाहन करण्यात आले आहे.