केंद्रीय राज्यमंत्री रामदास आठवले यांनी टिळकनगर सह्याद्री क्रीडा मंडळाच्या गणेशोत्सवाला दिली भेट*
मुंबई प्रतिनिधी – चेंबुर टिळक नगर येथील सुप्रसिध्द सहयाद्री मित्रमंडळाच्या श्रीगणेशोत्सवास रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री ना. रामदास आठवले यांनी आज भेट दिली. यावेळी श्रीगणरायाचे दर्शन ना. रामदास आठवले यांनी घेतले. आन्ट मुलांच्या मनोरंजन विश्वातील विविध सुपर हिरोंच्या कृती उभारुन सहयाद्री मित्रमंडळाने गणेशोत्सवाचा सुंदर देखावा उभारला आहे. हा देखावा पाहण्यासाठी मुंबईतील जनतेची प्रचंड गर्दी होती. मंडळाच्या या देखावा सजावटीचे ना. रामदास आठवले यांनी कौतुक केले. सहयाद्री मित्रमंडळाच्या गणेशोत्सवात श्रीगणेशाची मुर्ती अत्यंत सुंदर आणि लोभस आहे. यावेळी ना.रामदास आठवले यांनी कौतुक केले. यावेळी रिपब्लिकन पक्षाचे राज्य सरचिटणीस गौतम सोनवणे, मुंबई प्रदेशाध्यक्ष सिध्दार्थ कासारे, एम.एस. नंदा, मुंबई प्रदेश अल्पसंख्याक आघाडीचे अध्यक्ष सोहेल शेख, जिल्हाध्यक्ष अमित तांबे, रवी गायकवाड; सतीश निकाळजे राहुल वाळंज; अमित सातार्डेकर अक्षय निकाळजे आदि मान्यंवर उपस्थित होते.
