महाराष्ट्र विधानपरिषदेच्या पदवीधर व शिक्षक मतदारसंघांच्या पाच जागांसाठी झालेल्या द्विवार्षिक निवडणुकांचे निकाल जाहीर झाले आहेत.
राज्य प्रतिनिधी-#पुणे विभाग पदवीधर मतदारसंघातून राष्ट्रवादी काँग्रेस पार्टी (शरदचंद्र पवार) पक्षाच्या हर्षदा देशमुख जाधव, #नागपूर विभाग पदवीधर मतदारसंघातून काँग्रेसचे अभिजित गोविंदराव वंजारी, #औरंगाबाद विभाग पदवीधर मतदारसंघातून राष्ट्रवादी काँग्रेस पार्टी (शरदचंद्र पवार) पक्षाचे डॉ. प्रतापसिंह वेदप्रकाश पाटील विजयी झाले.
पुणे विभाग शिक्षक मतदारसंघातून भाजपचे कौस्तुभ मुरलीधर गावडे आणि #अमरावती विभाग शिक्षक मतदारसंघातून शिवसेनेचे किरण रामराव सरनाईक विजयी झाले.
पुणे विभाग पदवीधर मतदारसंघात हर्षदा देशमुख जाधव यांना १,१३,८४० मते, तर भाजपच्या डॉ. स्मिता योगेश जाधव यांना १,०३,९१२ मते मिळाली. नागपूर विभाग पदवीधर मतदारसंघात अभिजित गोविंदराव वंजारी यांना ६७,२३१ मते, तर भाजपचे सुधाकर विठ्ठलराव कोहळे यांना ६३,९६० मते मिळाली. औरंगाबाद विभाग पदवीधर मतदारसंघात डॉ. प्रतापसिंह वेदप्रकाश पाटील यांनी ८५,८७६ मते मिळवली, तर सतीश भानुदासराव चव्हाण यांना ६७,७५२ मते मिळाली.
पुणे विभाग शिक्षक मतदारसंघात कौस्तुभ मुरलीधर गावडे यांना २३,११७ मते, तर अपक्ष उमेदवार सचिन नवनाथ सानप यांना १३,३४७ मते मिळाली. अमरावती विभाग शिक्षक मतदारसंघात किरण रामराव सरनाईक यांना १६,६६३ मते, तर काँग्रेसच्या अदिती ऋषिकेश पोहरे यांना ८,६३६ मते मिळाली.
भारत निवडणूक आयोगाने २२ सप्टेंबर २०२६ रोजी निवडणूक कार्यक्रम जाहीर केला होता. त्यानुसार २३ ऑक्टोबर रोजी मतदान झाले. २७ ऑक्टोबरपासून सुरू झालेली मतमोजणी २९ ऑक्टोबर रोजी पूर्ण झाली. मुख्य निवडणूक अधिकारी कार्यालयाने प्रसिद्धीपत्रकाद्वारे निकालांची माहिती दिली.
00000
