घोडबंदर भूखंड टीडीआर घोटाळा: राष्ट्रवादी शरद पवार पक्षाची कोर्टात माघार-हा निर्णय पक्ष पातळीवर झालेला नाही; आम्ही शेवटच्या क्षणापर्यंत लढणार* माघार घेणाऱ्यांची चौकशीही करणार कार्याध्यक्ष प्रकाश पाटील यांचा घणाघात…
ठाणे प्रतिनिधी: घोडबंदर रोडवरील मानपाडा टिकुजीनीवाडी परिसरातील शंभर एकरहुनही अधिक जमिनीचा टीडीआर घोटाळा ठाण्यात भलताच गाजला होता. त्यावर राष्ट्रवादी पक्षाने ज्वलंत आंदोलन पुकारले, हायकोर्टात याचिका देखील दाखल केली. काळांतराने हा विषय मॅनेज झाल्यासारखा थांबला आणि राष्ट्रवादी शरद पवार पक्ष गटाच्या महत्त्वाच्या याचिकाकर्त्या कोर्टातून माघार घेतली. त्याची सध्या राज्यभर उलटसुलट चर्चा सुरू असून अप्रत्यक्षपणे पक्षाच्याच कार्यप्रणाली वरती संशयाचा धूर निर्माण झाला आहे. ही गोष्ट प्रामाणिक पक्ष कार्यकर्त्यासाठी लाजिरवाणी असून, हा निर्णय माघार घेणाऱ्यांचा वैयक्तिक असून पक्षपातळीवरती असा कुठलाही निर्णय झाला नसल्याचा दावा पक्षाचे कार्याध्यक्ष प्रकाश पाटील यांनी केला आहे. त्मात्र चांगलीच चपराक बसली आहे.
गेली दोन वर्ष रणझुंजार जितेंद्र आव्हाड यांच्या नेतृत्वाखाली ठाण्यामध्ये आंदोलनांचा विक्रम होत आहे. त्यांच्या कुठल्याच आंदोलनावरती कधीच संशय निर्माण झाला नाही. उभ्या महाराष्ट्राने त्यांना आंदोलनाचा बादशाह म्हणून गौरवले. त्याच ठाण्यात पक्षाच्या कार्यकारणीला, कार्यकर्त्यांना विश्वासात न घेता अशी कोणी माघार घेतली असेल तर पक्षाच्या बैठकीत त्याचा समाचार घेतला जाईल, जाब विचारला जाईल आणि माघार घेणाऱ्या नगरसेवकांच्या चौकशीची मागणी केली जाईल, असा दावाही प्रकाश पाटलांनी प्रसिद्धीस दिलेल्या पत्रकात केला आहे. या दाव्यामुळे राष्ट्रवादीची गाजलेली आणि नंतर थंडगार पडलेल्या मेंटल हॉस्पिटल, येऊर क्षेत्र घोटाळा, टिकुजीनी वाडी प्रकरण, कापूरबावडी येथील फिनिक्स मॉल, अंतर्गत मेट्रो रेल्वे मार्ग, अमेझॉन बाळकुम प्रकल्प अशा अनेक आंदोलनाच्या संदर्भात कार्यकर्त्यांमध्ये संभ्रम निर्माण झाला आहे. संशयाचा धूर निर्माण झाला आहे. अशा पद्धतीचे धोरणात्मक निर्णय आंदोलनातून माघारी घेण्याचे निर्णय हे एकट्या दुकट्या कुठल्या नेत्याच्या मर्जीचे नसतात, ते एवढ्या मोठ्या पक्षाच्या कार्यकारणीमध्ये ठरत असतात. त्यावर व्यापक सहमती घेतलेली नाही ही माघार ही त्यांची वैयक्तिक मालमत्ता नव्हती. त्यावर पक्षाच्या चरित्राचा प्रश्न होता. असे असताना पक्षातील इतर निष्ठावंतांना, कार्यकर्त्यांना न विचारता ही माघार कशी काय घेतली गेली, ती चुकीची असून त्यावर चौकशीची मागणी आम्ही करू, असे देखील प्रकाश पाटलांनी नमूद केले आहे. भविष्यात यावरून राष्ट्रवादीची डझनावरची आंदोलन वादग्रस्त ठरतील असे दिसते.
