मुंंबईकरांसाठी बेस्ट खास इलेक्ट्रिक एसी डबल डेकर बस ….
मुंबईकर प्रतिनिधी मुंबईत लवकरच 900 इलेक्ट्रिक बसेस रस्त्यावर धावताना दिसणार आहेत. शहरात 10,000 इलेक्ट्रिक बसेस आणण्याचे सरकारचे लक्ष्य असल्याचे राज्याचे कॅबिनेट मंत्री आदित्य ठाकरे यांनी आज (27 जानेवारी) सांगितलं. त्यामुळे मुंबईकरांसाठी ही मोठी भेट असणार आहे. मुंबईत लवकरच महापालिकेच्या निवडणुका होणार आहेत. अशावेळी आता सत्ताधारी शिवसेनेकडून मुंबईकरांना नवनव्या गोष्टी दिल्या जात आहेत.
डबल डेकर बसेस या मुंबईची शान आहेत. त्या आता नव्या रुपात आणि ते देखील एसी बसेस असणार आहेत. याच विषयी आदित्य ठाकरे म्हणाले की, ‘आम्हाला जास्तीत जास्त डबल डेकर बसेस आणायच्या आहेत. आम्ही बेस्टमध्ये 900 नवीन बसेस आणल्या आहेत. आम्हाला इंधनावर चालणाऱ्या बसेसऐवजी इलेक्ट्रिक बस आणायच्या आहेत.’
