T20 World Cup 2022: या दोन देशांनी टी-20 विश्वचषक स्पर्धेचे तिकीट केले पक्के, आणखी दोन संघांची प्रतीक्षा…

संयुक्त अरब अमिराती (UAE) आणि आयर्लंड या वर्षी ऑस्ट्रेलियात होणाऱ्या टी-20 विश्वचषक स्पर्धेसाठी पात्र ठरले आहेत. दोन्ही संघ क्वालिफायर-अ च्या अंतिम फेरीत पोहोचले आहेत. क्वालिफायरचे सामने अल अमिराती, ओमान येथे खेळवले जात आहेत. टी-20 विश्वचषक 2022 साठी पात्र ठरणारा UAE 13वा आणि आयर्लंड 14वा संघ आहे. तर आणखी दोन संघांबाबतचा निर्णय जुलैमध्ये क्वालिफायर-बी सामान्यांनी होईल.

UAE आणि आयर्लंडने (Ireland) मंगळवारी ओमान येथे क्वालिफायर A स्पर्धेच्या अंतिम फेरीत प्रवेश करून ऑस्ट्रेलियात होणाऱ्या आयसीसी पुरुष टी-20 विश्वचषक  (ICC Men’s T20 World Cup) स्पर्धेसाठी तिकीट पक्के केले. यूएईने नेपाळची तीन सामन्यांची विजयी मालिका रोखून 68 धावांनी विजय नोंदवला तर आयर्लंडने ओमानवर 56 धावांनी विजय मिळवला.