उद्धव ठाकरे यांनी घेतली संजय राऊत यांच्या कुटुंबीयांची भेट…
मुंबई प्रतिनिधीसंजय राऊत यांना पत्राचाळ घोटाळा प्रकरणी अंमलबजावणी संचालनालयाने अटक केली. त्यामुळे दुखावलेल्या कुटुंबीयांना शिवसेना पक्ष प्रमुख उद्धव ठाकरे यांनी भेट घेऊन धीर दिला. संजय राऊत यांच्या कुटुंबीयंची भेट घेण्यासाठी उद्धव ठाकरे भांडूप येथील घरी गेले. उद्धव ठाकरे यांना पाहताच राऊत यांचे कुटुंबीय गहीवरले. खास करुन संजय राऊत यांच्या ‘मातोश्री’ भावूक झाल्याचे पाहायाल मिळाले.
संजय राऊत यांना ईडीने ताब्यात घेतले तेव्हा त्यांच्या मातोश्रींना अश्रू अनावर झाले. संजय राऊत यांचे औक्षण करुन त्यांनी राऊत यांना आशीर्वाद दिले. या वेळी राऊत यांनीही मातोश्रींना चरणस्पर्ष करत आशीर्वाद घेतले. उपस्थितांपैकी सर्वांसाठीच हा क्षण मोठा भावूक होता. संजय राऊत यांना उराशी कवटाळतानाचा त्यांच्या आईचा व्हिडिओही सोशल मीडियावर व्हायरल झाला आहे.
दरम्यान, उद्धव ठाकरे यांच्या भेटीमुळे राऊतांच्या कुटुंबीयांना काहीसा दिलासा मिळाला. ईडीची कारवाई म्हणजे ही एक सूडाने केलेली कृती आहे. ही एक लढाई आहे. संजय राऊत आपल्या पक्षासाठी लढाई लढत आहेत. त्यामुळे संकटात असलेल्या कुटुंबीयांच्या पाठिशी शिवसेना भक्कमपणे उभा असल्याचेही उद्धव ठाकरे यांनी आपल्या कृतीतून दाखवले आहे
