vishwatmaklokswamivarta
Breaking News
प्रदेश

श्रद्धा प्रकरणाची पुनरावृत्ती, आईच्या सांगण्यावरुन मुलाने वडिलांना संपवले; करवतीने केले 6 तुकडे

 श्रद्धा प्रकरणाची पुनरावृत्ती, आईच्या सांगण्यावरुन मुलाने वडिलांना संपवले; करवतीने केले 6 तुकडे

[ बंगाल प्रतिनिधी

पश्चिम बंगालमध्ये एक धक्कादायक घटना घडली. एका व्यक्तीची पत्नी आणि मुलाने मिळून हत्या केली आहे.  ते एवढ्यावर न थांबता करवतीच्या सहाय्याने मृतदेहाचे तुकडे केले. मृतदेह लपवण्यासाठी त्याने वडिलांच्या मृतदेहाचे 6 तुकडे केले. दरम्यान, पोलिसांनी दिलेल्या माहितीनुसार, श्रद्धा मर्डर केसपासून  प्रेरित होऊन आई आणि मुलाने वडिलांच्या मृतदेहाचे तुकडे केले.

मुलाला आईची साथ

सूत्रांनी दिलेल्या माहितीनुसार, मुलाने बाथरुमच्या आत करवतीने वडिलांचा मृतदेह कापला. ज्यामध्ये आईनेही त्याला साथ दिली. आई आणि मुलगा आधी मृतदेहाचे तुकडे सायकलवर एकत्र फेकण्यासाठी गेले. मात्र, त्यानंतर दोन वेळा मुलगा एकटाच मृतदेहाचे केलेले तुकडे सायकलवर टाकून फेकून देण्यासाठी गेला होता.

आई आणि मुलाने मिळून केली हत्या

ही हृदयद्रावक घटना कोलकात्यातील बरुईपूर भागात घडली आहे. आई आणि मुलगा या दोघांनी उज्ज्वल चक्रवर्ती या व्यक्तीची हत्या केली आणि नंतर दिल्लीतील श्रद्धा हत्याकांडाने प्रेरित होऊन त्यांचे तुकडे करण्याचा निर्णय घेतला. खरे तर खुनाच्या तीन-चार तासांनंतरही आई – मुलाला काय करावे हे समजत नसताना दिल्लीतील श्रद्धा खून प्रकरणासारखेच काहीतरी करण्याचा विचार त्यांच्या मनात आला आणि मुलाने वडिलांचे सहा तुकडे केले, असे पोलिसांकडून सांगण्यात आले.

 

कोलकाता येथे श्रद्धा हत्या प्रकरणाची पुनरावृत्ती

दिल्लीतील छतरपूर येथील श्रद्धा हत्याकांड तब्बल पाच महिन्यांनंतर उघडकीस आले आहे. 18 मे 2022 रोजी, लिव्ह-इन पार्टनर आफताबने कथितरित्या श्रद्धाचे 35 तुकडे केले. आफताबने मृतदेहाचे तुकडे सुमारे तीन आठवडे घरातील फ्रिजमध्ये ठेवले होते, असा करण्यात येत आरोप आहे. यासाठी त्याने नवीन फ्रीज विकत घेतला. मात्र, नंतर त्याने मृतदेहाचे तुकडे वेगवेगळ्या ठिकाणी फेकले. त्याचा शोध सुरुच आहे. आता कोलकाता येथेही अशीच एक घटना घडली होती.

 

श्रध्दा हत्याकांडाची कसून चौकशी

विशेष म्हणजे श्रद्धा हत्याकांडाचा तपास पाच राज्यांत सुरु आहे. पोलिसांनी दिल्ली, हरियाणा, उत्तराखंड, हिमाचल प्रदेश आणि महाराष्ट्रातून पुरावे गोळा करुन सर्व माहिती मिळवली. घटनेचे सत्य बाहेर आणण्यासाठी सोमवारी आरोपी आफताबची नार्को टेस्टही केली जाऊ शकते. न्यायालयाने यापूर्वीच नार्को चाचणीला परवानगी दिली आहे. श्रद्धा हत्याकांडात रोज नवनवीन खुलासे होत आहेत

संबंधित पोस्ट

राष्ट्रपती द्रौपदी मुर्मू यांच्या प्रमुख उपस्थितीमध्ये पतंजली विद्यापीठाचा पदवीदान समारंभ…

vishwatmaklokswamivarta

विकसित महाराष्ट्र 2047 – व्हिजन डॉक्युमेंट सर्वेक्षणात सहभागासाठी उरले फक्त सहा दिवस..

निवडणुक विभाग व ११ पंचायत समिती निर्वाचक गणाची प्रारुप प्रभागरचना आज सोमवारी प्रसिद्ध*  *हरकती अथवा सूचना २१ जुलै पर्यंत सादर कराव्यात*

मेहकर तालुक्यातील 65 ग्रामपंचायत सरपंच पदाचे आरक्षण; 16 एप्रिला सोडत

महाराष्ट्राचेउपमुख्यमंत्री देवेंद्र फडणवीस यांचे नागपूर येथे कार्यकर्त्यांकडून स्वागत

कृषी यांत्रिकीकरण योजनेंतर्गत सध्याच्या सोडत पध्दतीबाबत-शेतकऱ्यांचे अभिप्राय नोंदविण्याबाबत कृषी विभागानी केले आवाहन

vishwatmaklokswamivarta