आताची मोठी बातमी : लोकसभेतून आणखी 2 खासदार निलंबित, आतापर्यंत सर्वात मोठे खासदारांचे निलंबन…
नवी दिल्ली प्रतिनिधी
उपराष्ट्रपती जगदीप धनखड यांच्या मिमिक्रीचा मुद्दा केंद्र सरकार व भाजपने उचलून धरला आहे. बुधवारी पंतप्रधान नरेंद्र मोदींनी उपराष्ट्रपती जगदीप धनखड यांना फोन केला आणि खासदारांच्या ‘अशोभनीय वर्तना’वर दु:ख व्यक्त केले. राष्ट्रपती द्रौपदी मुर्मू सोशल मीडियावर वक्तव्य करत म्हणाल्या, उपराष्ट्रपतींचा अपमान केल्यामुळे मी अत्यंत व्यथित झाले आहे. तर लोकसभा अध्यक्ष ओम बिर्ला यांनी उपराष्ट्रपती धनखड यांची भेट घेतली व खासदारांच्या वर्तनावर गंभीर चिंता व्यक्त केली.
दुसरीकडे काँग्रेस नेते राहुल गांधी यांनी बुधवारी सांगितले की, विरोधी पक्षाच्या सुमारे १५० खासदारांना संसदेबाहेर केले आहे. मात्र, अदानी मुद्दा, महागाई, बेरोजगारीवर कोणतीच चर्चाहोताना दिसत नाही. चर्चा केवळ आमच्या खासदारांच्या निदर्शनांवर होत आहे. दरम्यान, लोकसभेतून बुधवारीही दोन खासदारांना निलंबित करण्यात आले. केरळ काँग्रेसचे (मणि) थॉमस चंदन आणि माकपचे ए. एम. आरिफ यांच्याविरुद्ध फलक दाखवल्याबद्दल ही कारवाई करण्यात आली. दोन्ही सभागृहातून आतापर्यंत १४३ खासदारांना निलंबित केले आहे. बुधवारी लोकसभेने दोन विधेयके मंजूर केली. राज्यसभेनेही जीएसटी ट्रिब्यूनलच्या सदस्यांची वयोमर्यादा वाढवण्याचे विधेयक मंजूर केले.
सत्ताधारी : प्रश्नोत्तराच्या तासात समर्थनात १० मिनिटे उभे राहिले
उपराष्ट्रपतींच्या समर्थनात बुधवारी राज्यसभेत प्रश्नोत्तरादरम्यान सत्तापक्षाचे खासदार १० मिनिटे उभे राहिले. धनखड म्हणाले, विरोधकांनी उपराष्ट्रपतिपद, शेतकरी व जातीचा (जाट) अपमान केला
