ज्येष्ठ पत्रकार विजय साखळकर मित्र मंडळाच्या वतीने स्व.विजय साखळकर यांची शोकसभा मुंबई मराठी पत्रकार संघात.
मुंबई प्रतिनिधी
ज्येष्ठ पत्रकार विजय साखळकर मित्र मंडळाच्या वतीने स्व.विजय साखळकर यांची शोकसभा मुंबई मराठी पत्रकार संघात पार पडली. या शोकसभेस ज्येष्ठ पत्रकार योगेश त्रिवेदी, के.रवि, भारत कदम हे उपस्थित होते.: हया वेळेस पत्रकार विजय साखळकर यांची मानस कन्या सोनल खानोलकर यांनी सांगितले की, साखळकर हे माझे गुरुवर्य होते. ते माझ्या वडिलांचे ( खतरनाक वृतपत्राचे संपादक सुरेश खानोलकर )यांचे चांगले मित्र होते. त्यांच्या जाण्याने मला मानसिक धक्का बसला आहे. कारण ते नेहमी मला मार्गदर्शन करीत. त्यांच्यामुळेच खतरनाक अंकांची अविरतपणे एवढी वर्षे वाटचाल सुरू होती. त्यांच्या लेखणीने अनेक प्रांत बेमालूमपणे हाताळाले होते. अशा अवलिया पत्रकाराचा शेवट मनाला चटका लावून गेला.
तत्पूर्वी पत्रकार योगेश त्रिवेदी, के. रवि, भारत कदम यांनी पत्रकारितेतील आधिस्विकृती पत्रकारधारकांच्या जाचक अटी विषयी, पत्रकारांच्या फुटीरतेविषयी, त्यांच्या सुख सुविधांविषयी खंत व्यक्त करून पत्रकार विजय साखळकर यांचे पत्रकार क्षेत्रातले योगदान खूपच मोठे असल्याचे सांगितले.
[: ह्यावेळेस पत्रकार प्रा हेमंत सामंत, नासिकेत पानसरे, घनश्याम बडेकर ,सत्यवान तेटांबे , सुरेश गायकवाड सुधीर हेगिष्टे यांनी पत्रकार विजय साखळकर यांच्या आठवणींना उजाळा दिला.: या कार्यकमाचे सूत्रसंचालन पत्रकार विजय साखळकर यांचे मानस पुत्र राजेंद्र साळसकर यांनी केले.
