महादेव बेटिंग ॲप प्रकरण: अभिनेता साहिल खान फरार..
पुणे प्रतिनिधी
महादेव बेटिंग ॲप प्रकरणी दाखल झालेल्या फसवणुकीच्या गुन्ह्यात मुंबई पोलिसांच्या गुन्हे शाखेने यापूर्वी चौकशी केलेला अभिनेता साहिल खान ला फरार घोषित करण्यात आले आहे
मुंबई पोलिसांच्या गुन्हे शाखेने यापूर्वी चौकशी केलेला अभिनेता साहिल खान ला फरार घोषित करण्यात आले आहे. यासंदर्भात पोलिस अधिकाऱ्यांनी शुक्रवारी माहिती दिली. सत्र न्यायालयाने त्यांची अटकपूर्व याचिका फेटाळल्यानंतर अलीकडेच खान यांना मुंबई उच्च न्यायालयाने अंतरिम संरक्षण दिले होते. त्यानंतर लगेचच, गेल्या आठवड्यात शनिवारी खान मुंबई पोलिसांसमोर हजर झाला. विशेष तपास पथकाने (एसआयटी) त्यांची तब्बल तीन तास चौकशी केली.
मुंबई उच्च न्यायालयाने याचिका फेटाळली –
डिसेंबर 2023 मध्ये ज्या खानला पहिल्यांदा समन्स बजावण्यात आले होते. त्यानंतर अभिनेत्याने अटकपूर्व जामिनासाठी अर्ज करून अटक टाळली होती. एफआयआर रद्द करण्याची मागणी करण्यासाठी त्यांनी मुंबई उच्च न्यायालयातही धाव घेतली. दोन दिवसांपूर्वी, मुंबई उच्च न्यायालयाने त्याला चौकशीसाठी पोलिसांना सहकार्य करण्याचे निर्देश देत त्याची याचिका फेटाळली. शुक्रवारी, गुन्हे शाखेच्या पथकाने खान यांच्या निवासस्थानी भेट दिली. त्यावेळी तो बेपत्ता असल्याचे आढळले. वारंवार प्रयत्न करूनही तो सापडला नाही. त्यानंतर पोलिसांनी अभिनेत्याला फरार घोषित केले.
