कशेळी, काल्हेर खाडी किनाऱ्यावरील अनधिकृत धाब्यांवर कारवाई

 

 

 

ठाणे, प्रतिनिधी- राज्याचे मुख्यमंत्री एकनाथ शिंदे यांनी अनधिकृत पब, हुक्का पार्लर, बार व अंमली पदार्थ विक्री करणारी अवैध बांधकामे निष्कासित करण्याबाबत दिलेल्या निर्देशानंतर जिल्हाधिकारी अशोक शिनगारे यांच्या मार्गदर्शनाखाली राज्य उत्पादन शुल्क विभागाने महसूल, वन विभाग व पोलीस विभागाच्या सहकार्याने कशेळी खाडी किनारी भागात कारवाई करून जेसीबीच्या सहाय्याने अनधिकृत बांधकामे नष्ट केली.

 

जिल्ह्यातील अनधिकृत हॉटेल, बार, धाब्यांवर राज्य उत्पादन शुल्क विभागाने कारवाई करण्यास सुरूवात केली आहे. त्यानुसार राज्य उत्पादन शुल्क विभागाने महसूल विभाग, वन विभाग व कांदळवन विभाग यांच्यामार्फत मौजे कशेळी खाडी किनारी असलेल्या चौपाटी ढाबा तसेच मौजे काल्हेर खाडी किनारी असलेल्या MH 10 धाब्यावर जेसीबीच्या साह्याने कारवाई केली.

 

तसेच राज्य उत्पादन शुल्कच्या भिवंडी कार्यालयाने केलेल्या कारवाईत कशेळी येथील मोरया ढाबा, खोणी येथील पूजा ढाबा येथे कारवाई करण्यात आली. त्यामध्ये विदेशी दारू 2.16 ब लि. आणि देशीदारू 5.4 ब. ली. जप्त करण्यात आली. यासंबंधी नारपोरी व निजामपूरा पोलिस ठाण्यात गुन्हा दाखल करण्यात आला आहे, अशी माहिती भिवंडी तहसिलदार अभिजित खोले यांनी दिली आहे.

 

0000000000