इटलीतील ट्रायथलॉन स्पर्धेत ऐश्वर्या आघाव पहिली महिला ‘आयर्नमॅन’समाजसेवक मुसा खान यांनी ऐश्वर्या आघावचे केले अभिनंदन
औरंगाबाद- प्रतिनिधी इटलीतील ट्रायथलॉन स्पर्धेत ऐश्वर्या आघाव पहिली महिला ‘आयर्नमॅन’ ठरल्याने मराठवाड्या आनंद उत्सव आहे. अनेकांकडून ऐश्वर्याचे अभिनंदन होत असून अशीच पुढे कामगिरी करावी अनेकांकडून शुभेच्छा देण्यात आलेले आहे. जगातील सर्वांत मोठ्या व कठीण मानल्या जाणाऱ्या ट्रायथलॉन स्पर्धेत छत्रपती संभाजीनगरातील ऐश्वर्या अविनाश आघव हिने ७०.०३ किलोमीटरचे अंतर एकूण ७.४८ तासांत हिमतीने यशस्वीरीत्या पूर्ण केले. ऐश्वर्या ही मराठवाड्यातील पहिली महिला आयर्नमॅन-७०.३ या किताबातची मानकरी ठरली आहे.
येथील समाजसेवक मुसा खान यांनी ऐश्वर्या अविनाश आघाव यांचे अभिनंदन करून पुढील वाटचालीस शुभेच्छा दिलेल्या यापुढेही ऐश्वर्या तू अशीच कामगिरी करावे आपल्या मराठवाड्यासह देशाचे नाव उंच करावे अशी अपेक्षा यावेळी मुसा खान यांनी व्यक्त केली. मुसाखान यादी अभिनंदन केल्यास यावेळेस ऐश्वर्या आघाव ऐश्वर्याची वडील अविनाश आघाव सोबत होते.
इटली देशातील बोलोनिया सर्विया शहरात नुकत्याच झालेल्या आयर्नमॅन स्पर्धा वर्ल्ड २०२४ ट्रायथलॉन स्पर्धेत ६ हजार ५०० स्पर्धकांनी सहभाग घेतला. या स्पर्धेत छत्रपती संभाजीनगर येथून आयर्नमॅन नितीन घोरपडे व ऐश्वर्या अविनाश आघाव यांनी सहभाग नोंदविला. यामध्ये दोन अंतरांच्या स्पर्धा पार पडल्या. यात रविवारी 22 सप्टेंबर रोजी ऐश्वयनि समुद्रातील लाटांचे आव्हान पेलत १.९ किलोमीटर पोहणे हे अंतर ४६ मिनिटांत, ९० किलोमीटर सायकलिंग यात एक घाटाचा समावेश होता, अशी ३.५० तासांत आणि २१.१ किमी धावणे २.५५ तासांत असे एकूण ७०.०३ किलोमीटरचे अंतर एकूण ७.४८ तासांत पूर्ण केले. दरम्यान, ऐश्वर्या ही मागील एक वर्षापासून नितीन घोरपडे यांच्या मार्गदर्शनाखाली या स्पर्धेची तयारी करत होती. तिने यापूर्वी नागपूर येथे आयोजित ट्रायथलॉन स्पर्धेत यश मिळविले होते. याशिवाय तिने दहा, एकवीस किलोमीटरच्या मॅरेथॉन स्पर्धा पूर्ण केल्या असून सायकलिंगमध्ये देखील अनेक स्पर्धांत सहभाग नोंदविलेला आहे.
