सद्गुरू मिस्कीन स्वामी संस्थान मठ, माजलगाव संचलित प्रभू पंडिताराध्य वीरशैव वसतिगृहातील माजी विद्यार्थ्यांचा स्नेह मिलन सोहळा उत्साहात संपन्न..
छ. संभाजीनगर.सद्गुरू मिस्कीन स्वामी संस्थान मठ, माजलगाव संचलित प्रभू पंडिताराध्य वीरशैव वसतिगृहातील माजी विद्यार्थ्यांचा स्नेह मिलन मेळावा अतिशय उत्साहात संपन्न झाला. या मेळाव्यास संबोधित करत श्री ष. ब्र. 108 चंद्रशेखर शिवाचार्य महाराजांनी यांनी आपल्या आशीर्वचनामध्ये वसतिगृहामागील श्री तपोरत्न प्रभू पंडिताराध्य माजलगावकर महाराजांची यांच्या समाजाभीमुख भविष्यविषयक दृष्टिकोनाची मिमांसा केली आणि भविष्यामध्ये येथील ही वास्तू पुनरनिर्माणाच्या दृष्टीने अधिक सुखसोयीनी परिपूर्ण पूर्ण करण्यासाठी आपण कटीबद्ध असल्याचे सुतोवाच केले.
या प्रसंगी डॉ. गोविंद नांदेडे, माजी शिक्षण संचालक, महाराष्ट्र राज्य, प्रा. सोमनाथ वाघमारे, श्री शिवसाम्ब हाम्पल्ले यांनी वसतिगृहातील वास्तव्य आणि त्यांच्या कार्यकिर्दीमधील येथील अधिवास कसा महत्वाचा ठरला हे विषद केले.
कार्यक्रमाच्या यशस्वीतेसाठी सर्वश्री देवीदास उंचे, रमेश उंचे, दिलीप गौण्डर, विलास बिडकर, डॉ. कैलास कबाडे, वसंत पत्रे, सुभाष रुद्राक्ष, दत्तात्रय पटणे, खुशाल कारामुंगेआदींनी सहकार्य केले. या मेळाव्यास डॉ. शंकरवार, श्री मनोहर धोंडे,श्री बस्वराज चौधरी यांची उपस्थिती लाभली.
