निवडणूक कर्तव्यासाठी नेमणूक केल्याने-एकही शिक्षक नसणाऱ्या शाळांना दि.18 व दि.19 नोव्हेंबर 2024 रोजी सुट्टी
ठाणे, प्रतिनिधी- दि.18 व दि.19 नोव्हेंबर 2024 रोजी शाळा सुरु राहतील. तसेच या दिवशी कोणतीही सार्वत्रिक सुट्टी जाहीर करण्यात आलेली नाही. केवळ ज्या शाळेतील सर्व शिक्षकांची नियुक्ती निवडणूक कामासाठी झाल्यामुळे एकही शिक्षक शाळेत उपलब्ध असणार नाही, अशा शाळांबाबत स्थानिक स्तरावर मुख्याध्यापक यांनी त्यांच्या अधिकारात सुट्टी जाहीर करावी व अशा शाळा वगळता उर्वरित सर्व शाळा नियमितपणे सुरु राहतील, असे महाराष्ट्र राज्य शिक्षण आयुक्त सूरज मांढरे (भा.प्र.से.) यांनी कळविले आहे.
ही सरसकट व सार्वजनिक सुट्टी नाही, तसेच कोणत्याही शाळा अनावश्यकरित्या बंद राहणार नाहीत, याची दक्षता घ्यावी, असेही महाराष्ट्र राज्य शिक्षण आयुक्त सूरज मांढरे (भा.प्र.से.) यांनी कळविले आहे.
00000
