गोंदिया जिल्ह्यातील अर्जुन -सिरेगाव-सानगडी येथे मोबाईलचा स्फोट शिक्षकाचा मृत्यू एक जखमी…
राज्य प्रतिनिधी
गोंदिया जिल्ह्यातील अर्जुनी-मोरगाव तालुक्यातील सिरेगाव-सानगडी येथे शिक्षकाच्या खिशात असलेला मोबाईल स्फोट होऊन एक ठार तर दुसरा गंभीर जखमी झाला असल्याची बातमी आहे. सदर शिक्षक आणि त्याचे सहकारी मोटार सायकलने बाजारात जात असताना सदर घटना घडली असल्याचे वृत्त आहे
प्राप्त माहितीनुसार-गोंदिया जिल्ह्यातील अर्जुनी-मोरगाव तालुक्यातील सिरेगाव-सानगडी येथे केसलवाडा फाटा परिसरात घडली. सुरेश भिकाजी संग्रामे (रा. टोला सिरेगाव) असे मृताचे तर, नत्थू गायकवाड असे त्याच्यासोबत असलेल्या नातेवाईकाचे नाव आहे. दोघेही एकाच दुचाकीवरुन निघाले असता सायंकाळी 6 च्या सुमारास सुरेशा यांच्या खिशात मोबाईल स्फोट झाला. ज्यामध्ये गायकवाड हे देथील मोठ्या प्रमाणावर जखमी झाले. घटनेमुळे परिसरातच नव्हे तर सोशल मीडियावरही खळबळ उडाली आहे. दरम्यान, मोबाईल कोणत्या कंपनीचा होता याबाबत माहिती मिळू शकली नाही.
जिल्ह्यातील आठवडी बाजार शुक्रवारी असतो. त्यामुळे सुरेश संग्रामे आणि नातेवाईक नत्थू गायकवाड हे दोघे या बाजारास गेले होते. दिवसभर बाजार करुन दुचाकीवरुन आपल्या गावी परतत असताना ते सिरेगाव टोलाकडे निघाले. दरम्यान, त्यांची दुचाकी सानगडी मार्गावरील केसलवाडा फाटा परिसरातत आली. सुरेश यांनी नेहमीप्रमाणे मोबाईल हा आपल्या शर्टच्या वरच्या खिशात ठेवला होता. मोबाईलचा अचानक स्फोट झाला. स्फोट इतका शक्तीशाली होता की, ज्यामुळे त्यांच्या अंगावरील कपडे तर जळालेच. पण छातीचा भागही मोठ्या प्रमाणावर भाजला. त्यामुळे त्यांचा जागीच मृत्यू झाला. त्यांना तातडीने दवाखाण्यात दाखल केले असता डॉक्टरांनी त्यांना उपचारापूर्वीच मृत घोषीत केले पुढील तपास पोलीस करत असल्याची माहिती आहे
