मुख्यमंत्री वयोश्री योजनेंतर्गत लाभ घेतलेल्या लाभार्थ्यांनी उपकरणे खरेदी केल्याचे प्रमाणपत्र सादर करावेत..
रायगड, प्रतिनिधी:- मुख्यमंत्री वयोश्री योजनेच्या लाभार्थ्यांना दैनंदिन जीवनात सामान्य स्थितीत जगण्यासाठी आणि त्यांना वयोमानपरत्वे येणाऱ्या अपंगत्व, अशक्तपणा यावर उपाययोजना करण्यासाठी पात्र वृद्ध लाभार्थ्यांना त्यांच्या शारीरिक असमर्थतता, दुर्बलतेनुसार चष्मा, श्रवणयंत्र, ट्रायपॉड स्टिक, व्हील चेअर, फोल्डिंग वॉकर, कमोड खुर्ची, नि-ब्रेस, लंबर बेल्ट, सर्वाइकल कॉलर इ. सहाय्यभूत आवश्यक सहाय्य साधने/उपकरणे खरेदी करण्याकरिता तसेच मनःस्वास्थ केंद्र, योगोपचार केंद्र इ. द्वारे त्यांचे मानसिक स्वास्थ अबाधित ठेवण्यासाठी मुख्यमंत्री वयोश्री योजनेअंतर्गत पात्र वृद्ध लाभार्थ्यांना लाभ दिला असून या योजनेंतर्गत विहीत केलेली उपकरणे खरेदी केल्याचे तसेच मनःस्वास्थ केंद्राद्वारे प्रशिक्षण घेतल्याचे लाभार्थ्यांचे देयक (Invoice) प्रमाणपत्र 30 दिवसांच्या सहाय्यक आयुक्त, समाज कल्याण, रायगड कच्छिभवन, नमिनाथ जैन मंदिरा जवळ, श्रीबाग रोड, अलिबाग, कार्यालयात सादर करावे, असे आवाहन सहाय्यक आयुक्त, समाज कल्याण रायगड समाधान इंगळे यांनी केले आहे.
मुख्यमंत्री वयोश्री योजनेंतर्गत 65 वर्षे वय व त्यावरील ज्येष्ठ नागरिकांचे जिल्ह्यात 19 हजार 437 अर्ज प्राप्त झाले असून त्यापैकी 8 हजार 300 लाभार्थ्यांना बँकेच्या वैयक्तिक आधार संलग्न बचत खात्यात थेट रु.3 हजार लाभ वितरण केला आहे.००००००
