उपमुख्यमंत्री अजित पवार यांच्याकडून प्रशासकीय इमारत आणि नियोजन भवनाची पाहणी-प्रशासकीय इमारत व नियोजन भवनाचे कामे करतांना टिकाऊ व दर्जेदार कामे करावी – अजित पवार

जालना प्रतिनिधी : प्रशासकीय इमारत व नियोजन भवनाचे कामे करतांना टिकाऊ व दर्जेदार कामे करावीत. तसेच यात अत्याधुनिक तंत्रज्ञानाचा वापर करावा, असे निर्देश उपमुख्यमंत्री अजित पवार यांनी आज प्रशासकीय इमारत व नव्याने तयार करण्यात आलेल्या नियोजन भवनाच्या पाहणी प्रसंगी दिले.

यावेळी आमदार नारायण कुचे, आमदार विक्रम काळे, माजी आमदार सतिष चव्हाण, जिल्हाधिकारी डॉ. श्रीकृष्ण पांचाळ, पोलीस अधिक्षक अजयकुमार बंसल, निवासी उपजिल्हाधिकारी गणेश महाडीक, उपजिल्हाधिकारी न्रमता चाटे, उपविभागीय अधिकारी श्रीमंत हारकर, जिल्हा नियोजन अधिकारी श्री. सुर्यवंशी आदींची उपस्थिती होती. प्रशासकीय इमारत व नियोजन भवन येथील देखभाल दूरुस्ती सह इतर कामांची पाहणी करतांना उपमुख्यमंत्री पवार यांनी जिल्हाधिकारी डॉ. पांचाळ यांच्याकडून कामाबाबतची सविस्तर माहिती घेतली. तसेच सदर कामे करतांना सुरक्षितेच्यादृष्टीने प्रामुख्याने वीज, सोलर पॅनल, पायऱ्या, अग्निशमन यंत्रणा दर्जेदार कराव्यात. सदर कामे पूर्ण झाल्यावर देखभाल दुरुस्तीसह कार्यालय व परिसर नेहमी स्वच्छ राहिल याची दक्षता घेण्याच्या सूचना यावेळी उपमुख्यमंत्री श्री. पवार यांनी दिल्या.

****