‘ १०० डे ‘ उपक्रमांतर्गत सर्व पोलीस ठाण्याचा चेहरामोहरा बदलणार..
( सुरेश गायकवाड ) प्रतिनिधी
मुंबई – सरकारच्या ‘ १०० डे उपक्रमांतर्गत सर्व सरकारी कार्यालयासह पोलीस ठाण्याच्या इमारतीचे नुतनीकरण, साफसफाई, रंगरंगोटी आतील आणि बाहेरील बाजूस स्वच्छता नवीन सुधारणा,विद्युत वायर बदलणे, शौचालयाची स्वच्छता, विद्युत सुधारणा,झाडे ,फुले ,वेली यासारखे आधुनिकतेचे स्वरूप आणण्याचा प्रयत्न केला जात आहे. पोलीस हा उपक्रम जनतेच्या माध्यमातून राबवित आहे.
यासाठी पूर्व प्रादेशिक विभागाचे अप्पर पोलीस आयुक्त महेश पाटील, परिमंडळ ७ चे पोलीस उपायुक्त विजयकांत सागर तसेच घाटकोपर विभागाचे सहाय्यक पोलीस आयुक्त शैलेश पासलवर यांच्या मार्गदर्शनाखाली घाटकोपर पोलीस ठाण्याचे वरिष्ठ पोलीस निरीक्षक अविनाश काळदाते यांनी पोलिस ठाण्याच्या संपूर्ण इमारतीचा आणि परिसराचा चेहरा बदलण्यासाठी पुढाकार घेतला आहे. आणि सध्या हे काम सुरू झाले असून लवकरच पूर्ण होणार आहे. नागरिक तक्रारी घेऊन येतात तो ठाणे अंमलदार कक्षही आधुनिक केला जात असल्याने यापुढे त्याचे स्वरूप बदलणार आहे. त्यामुळे संपूर्ण पोलीस ठाण्याचा चेहरामोहरा बदलला जाणार असल्याचे काळदाते यांनी सांगितले.
