विकसित कृषि संकल्प अभियानांतर्गत पैठण तालुक्यात शेतकरी मार्गदर्शन
छत्रपती संभाजीनगर, प्रतिनिधी देशात राबविण्यात येत असलेल्या विकसित कृषी संकल्प अभियान-२०२५ च्या सहाव्या दिवशी कृषी विज्ञान केंद्र, पैठण रोड, छत्रपती संभाजीनगर यांच्यामार्फत पैठण तालुक्यात बिडकीन, शेकटा, तोंडोळी, लोहगाव, लोहगाव बु. आणि मुलानी वडगाव या गावांमध्ये जाऊन शेतकरी मार्गदर्शन कार्यक्रम घेण्यात आले.
संचालक विस्तार शिक्षण, वसंतराव नाईक मराठवाडा कृषी विद्यापीठ, परभणी डॉ.राकेश अहिरे,आयसीएआर, आयव्हीआरआय, पुणे येथील शास्त्रज्ञ डॉ.अमोल भालेराव,सरपंच अशोक धर्मे, मंडळ कृषी अधिकारी कारले, इफकोचे जिल्हा व्यवस्थापक कलिम शेख, केव्हीकेच्या प्रमुख डॉ.दिप्ती पाटगावकर, विषय विशेषज्ञ डॉ.संजूला भावर, डॉ.बस्वराज पिसुरे,सतीश कदम यांच्यासह गावातील शेतकरी मोठ्या संख्येने उपस्थित होते.
