महाडीबीटी पोर्टलवरून प्रमाणित बियाणे वितरण व पीक प्रात्यक्षिकासाठी अर्ज करण्याचे आवाहन
बुलडाणा, प्रतिनिधी : अन्न व पोषण अभियान व राष्ट्रीय खाद्यतेल अभियान सन 2025-26 अंतर्गत खरीप हंगामासाठी जिल्ह्याला लक्षांक प्राप्त झाला आहे. या योजनेंतर्गत तूर, मूग, उडीद, कापूस, सोयाबीन आणि तीळ या पिकांसाठी पीक प्रात्यक्षिके व प्रमाणित बियाणे वितरण या घटकांसाठी शेतकरी गट, उत्पादक कंपनी, सहकारी संस्था व वैयक्तिक शेतकरी यांच्याकडून अर्ज मागविण्यात आले आहेत.
पिक प्रात्याक्षिकामध्ये सहभागी होण्याकरिता 31 मार्च 2024 पूर्वी नोंदणीकृत शेतकरी गट, शेतकरी उत्पादक कंपनी, कृषि क्षेत्रात काम करणाऱ्या सहकारी संस्था महाडीबीटी प्रणालीद्वारे अर्ज करू शकतात. गटातील प्रत्येक शेतकऱ्यांचे शेतकरी ओळखपत्र आवश्यक असून एका कुटुंबात एका शेतकरी लाभार्थ्याकरिता 0.40 हेक्टरचा लाभ घेता येईल. 10 हेक्टर चा एक गट याप्रमाणे 25 शेतकरी असणे आवश्यक आहे. ज्या गटात 25 पेक्षा जास्त शेतकरी असतील तर त्यातील 25 शेतकऱ्यांची निवड करावी. किंवा जर गटात 25 पेक्षा कमी शेतकरी असल्यास गटाबाहेरील पात्र शेतकऱ्याची निवड करता येईल.प्रात्याक्षिका करिता निवड झालेल्या शेतकरी गटांना कृषि विभागामार्फत पुरविण्यात आलेल्या निविष्ठा व तंत्रज्ञानाचा वापर करणे तसेच प्रात्याक्षिक प्लॉटला तुलनात्मक प्लॉट असणे बंधनकारक आहे. तसेच निवड झालेल्या गटातील सर्व शेतकऱ्यांना मृद तपासणी करणे बंधनकारक राहील. प्रमाणित बियाणे या घटकाकरिता ॲग्रिस्टक शेतकरी ओळखपत्र असलेले शेतकरी महाडीबीटी प्रणालीद्वारे अर्ज करू शकतात. किमान 0.20 हेक्टर ते 1 हेक्टर क्षेत्राकरिता लागणारे मुंग,उडीद,तूर, सोयाबीन,तीळ आणि कापूस पिकाचे प्रमाणित बियाणे करिता शेतकरी धारण क्षेत्रानुसार अर्ज करू शकतात. लक्षांकाच्या मर्यादेत प्रथम अर्ज करणाऱ्यास प्रथम प्राधान्याने लाभ देण्यात येईल. प्रमाणित बियाणे वितरण करिता पात्र ठरलेल्या शेतकऱ्यांना मृद तपासणी करणे आवश्यक आहे. लाभार्थ्यास पिक प्रात्यक्षिक किंवा प्रमाणित बियाणे वितरण लाभर्थीची निवड करुन महा.डी.बी.टी. पोर्टलवर पुढील दोन दिवसामध्ये लाभ घेता येईल. त्यानुसार 5 जून 2025 रोजी प्रथम येणाऱ्यास प्रथम येणाऱ्यास प्रथम प्राधान्य तत्वानुसार पहिली यादी प्रसिद्ध करण्यात येईल. जिल्ह्यातील शेतकरी गट, उत्पादक कंपनी, सहकारी संस्था व वैयक्तिक शेतकरी यांनी https://mahadbt.maharashtra.gov.in/Farmer/AgriLogin/AgriLogin या लिंकव्दारे महाडीबीटी प्रणालीवर अर्ज करावा, असे आवाहन जिल्हा अधिक्षक कृषि अधिक्षक मनोजकुमार ढगे यांनी केले आहे.
0000000
