जरंडेश्वर उपकेंद्रातून 33 केव्ही नेर उपसा सिंचन योजनेवरील वाहिनी आज होणार कार्यान्वित नागरिकांनी आवश्यक ती खबरदारी घेण्याचे महावितरणचे आवाहन*

सातारा प्रतिनिधी- महावितरण कंपनीतर्फे 220/33 केव्ही चिमणगांव गोटे (जरंडेश्वर) उपकेंद्रातून निर्गमित होणाऱ्या 33 केव्ही नेर उपसा सिंचन (जिहे कठापुर प्रकल्प) योजनेच्या वाहिनीचे काम पूर्ण झाले असून हि वाहिनी दि. 16 ऑक्टोबर 2025 रोजी / नंतर कधीही कार्यान्वित होऊ शकते. सदरची वाहिनी जरंडेश्वर उपकेंद्र ते भाटमवाडी, रामोशीवाडी, वर्धनगढ, पाचारणेवाडी, जाधववाडी, शिंपी मळा, फडतरवाडी या गावामधून ते नेर उपसा सिंचन योजना टप्पा क्र.1 ते नेर टप्पा क्र. 1 पवारवाडी, ता. खटाव अशा मार्गाने निर्गमित होत असल्याने सदर वाहिनीवरील सर्व नागरिकांनी नोंद घ्यावी, असे आवाहन कार्यकारी अभियंता, वडूज यांनी केले आहे.

 सदर उच्चदाब वीज वाहिन्यांचे कोणत्याही प्रकारे संपर्क येईल अशा प्रकारची कृती म्हणजे सदर वीज वाहिन्यांखालून उंच, लोखंडी सळ्या, लाकडी बांबू, लोखंडी पाईप इत्यादी कोणत्याही प्रकारच्या तत्सम वस्तू नेऊ नयेत. सदर वीज वाहिन्यांच्या खांबावर चढणे, ताणावर कपडे वाळत घालणे अगर गुरु बांधणे अशी कृती करु नये. तसेच वीज वाहिन्यांच्या खांबाशी लहान मुलांना खेळू देऊ नये. त्यामुळे वीज अपघात व धोका होऊ शकतो. तरी वरील सुचनांचे उल्लघंन केल्यास व अपघात घडल्यास म.रा. वि. वि.कंपनी त्यास कोणत्याही प्रकारे जबाबदार राहणार नाही. याची कृपया सर्व नागरिकांनी व संबंधातांनी नोंद घ्यावी असे कार्यकारी अभियंता, वडूज यांनी कळविले आहे.

0 0 0 0