प्रशिक्षणार्थी अधिकाऱ्यांशी जिल्हाधिकाऱ्यांनी साधला संवाद..

छत्रपती संभाजीनगर, प्रतिनिधी- भारतीय प्रशासकीय सेवेतील प्रशिक्षणार्थी अधिकाऱ्यांचे पथक प्रशिक्षणाचा भाग म्हणून जिल्ह्याच्या दौऱ्यावर आले आहे. या अधिकाऱ्यांच्या पथकाने आज जिल्हाधिकारी दिलीप स्वामी यांची भेट घेतली. जिल्हाप्रशासनाच्या वतीने तयार करण्यात आलेल्या कॉफी टेबल बुकची प्रत देऊन त्यांचे स्वागत करण्यात आली. याअधिकाऱ्यांशी जिल्हाधिकारी स्वामी यांनी संवाद साधत जिल्ह्यातील विविध प्रशासकीय उपक्रम तसेच जिल्ह्यातील औद्योगिक,ऐतिहासिक व पर्यटन विषयक बाबींची माहिती दिली. निवासी उपजिल्हाधिकारी जनार्दन विधाते. पर्यटन विकास महामंडळाचे उपसंचालक विजय जाधव, शिवाजी गायकवाड तसेच प्रशिक्षणार्थी अधिकारी जितेंद्रकुमार, सुयशकुमार, कोमल पुनिया, लक्ष्मीनारायण वर्मा, मोह. हरीस मीर, सोनेट जोस, हर्षिता गोयल, अनुप नायक, अमितेज पंगतेय, रितिका राथ यावेळी उपस्थित होते.