सिरोंचा येथे दिव्यांग तपासणी शिबिर उस्फुर्त प्रतिसाद ; ८१६ लाभार्थ्यांची आरोग्य तपासणी कडक ऊन अन लाभार्थ्यांचा ओघ… तरीही थकली नाही डॉक्टरांची टीम;
गडचिरोली प्रतिनिधी:-जिल्हा सामान्य रुग्णालय गडचिरोली आणि पंचायत समिती सिरोंचा यांच्या संयुक्त विद्यमाने सिरोंचा येथे भव्य दिव्यांग तपासणी शिबिराचे आयोजन करण्यात आले होते. या शिबिरात दुर्गम भागातील एकूण ८१६ लाभार्थ्यांची उपस्थिती लाभली असून, प्रशासनाच्या वतीने त्यांना विविध आरोग्य सेवा पुरवण्यात आल्या.
तज्ञ डॉक्टरांच्या पथकाकडून तपासणी,जिल्हा शल्य चिकित्सक डॉ. वर्षा लहाडे आणि अतिरिक्त जिल्हा शल्य चिकित्सक डॉ. छाया उईके यांच्या मार्गदर्शनाखाली जिल्हा रुग्णालयातील तज्ञ डॉक्टरांच्या पथकाने दिवसभर सेवा दिली. यामध्ये डॉ. बाळू सहारे, डॉ. मनीष मेश्राम, डॉ. ईश्वर मेश्राम, डॉ. प्रशांत पेंदाम, डॉ. मोरे तसेच तंत्रज्ञ, फिजिओथेरपिस्ट आणि सायकॉलॉजिस्टच्या टीमने मोलाचे सहकार्य केले.
शिबिरातील आकडेवारी ,एकूण उपस्थिती: ८१६सामान्य तपासणी (General): ६५३सिकलसेल तपासणी: १९अस्थिव्यंग (Locomotor): ६१बौद्धिक/मानसिक अक्षमता: ३८अंधत्व तपासणी: ०९जुने प्रमाणपत्र असलेले लाभार्थी: ३६
प्रमुख मान्यवरांचे मनोगत: डॉ. वर्षा लहाडे (जिल्हा शल्य चिकित्सक, गडचिरोली): ”दुर्गम भागातील दिव्यांगांना त्यांच्या हक्काचे प्रमाणपत्र आणि उपचार मिळावेत हा या शिबिराचा मुख्य उद्देश होता. ८१६ ही संख्या मोठी असून, आमच्या टीमने प्रतिकूल हवामानातही अत्यंत संयमाने प्रत्येक रुग्णाची तपासणी केली आहे. दिव्यांगांचे जीवन सुसह्य करण्यासाठी आरोग्य विभाग सदैव कटिबद्ध आहे.”
डॉ. छाया उईके (अतिरिक्त जिल्हा शल्य चिकित्सक): ”सिरोंचा सारख्या ठिकाणी एवढ्या मोठ्या प्रमाणात लाभार्थ्यांची उपस्थिती असणे, हे स्थानिक नियोजनाचे यश आहे. जिल्हा रुग्णालयातील सर्व कन्सल्टंट्स आणि तंत्रज्ञांनी दिलेले योगदान कौतुकास्पद आहे.”
श्री. सुखीराम कस्तुरे (गट विकास अधिकारी, सिरोंचा): ”पंचायत समितीच्या माध्यमातून आम्ही जास्तीत जास्त दिव्यांगांपर्यंत पोहचण्याचा प्रयत्न केला. जिल्हा रुग्णालयाच्या टीमने दिलेल्या सहकार्यामुळे हे शिबिर यशस्वी झाले असून, ग्रामीण जनतेला याचा मोठा लाभ झाला आहे.” *डॉ. मनोहर कन्नाके (तालुका आरोग्य अधिकारी, सिरोंचा), प्रभारी वैद्यकीय अधिक्षक “स्थानिक आरोग्य कर्मचारी, परिचारिका आणि चतुर्थ श्रेणी कर्मचाऱ्यांनी हे शिबिर यशस्वी करण्यासाठी अहोरात्र मेहनत घेतली. आरोग्य सुविधा शेवटच्या टोकापर्यंत पोहचवणे हेच आमचे ध्येय आहे.”#Gadchiroli #maharashtra Maharashtra DGIPR
