पुण्यातील हडपसर इथल्या उषाकिरण रुग्णालयाजवळ काल रात्री आढळलेली बॉम्बसदृश वस्तू बॉम्ब शोधक आणि नाशक पथकानं सुरक्षितस्थळी नेऊन यशस्वीरीत्या निकामी
राज्य प्रतिनिधी
पुण्यातील हडपसर इथल्या उषाकिरण रुग्णालयाजवळ काल रात्री आढळलेली बॉम्बसदृश वस्तू बॉम्ब शोधक आणि नाशक पथकानं सुरक्षितस्थळी नेऊन यशस्वीरीत्या निकामी केली आहे. रात्री आठ वाजण्याच्या सुमारास रुग्णालयाच्या आवारात ही वस्तू असल्याची माहिती पोलिसांना मिळाली होती.
त्यानंतर पुणे शहर पोलीस आणि बीडीडीएसच्या पथकानं घटनास्थळी धाव घेत, आवश्यक ती सर्व खबरदारी घेऊन ही वस्तू ग्लायडिंग सेंटरच्या मोकळ्या मैदानावर नेली आणि तिथं ती निकामी केली. या प्रकरणाचा सर्व अंगांनी तपास सुरू असून स्थानिक पोलीस, गुन्हे शाखा आणि दहशतवादविरोधी पथक संयुक्तपणे याची सखोल चौकशी करत आहेत, अशी माहिती पोलीस आयुक्त अमितेश कुमार यांनी दिली.
