तासगाव व पलूस येथील शासकीय वसतिगृहाचा लाभ घेण्याचे आवाहन
सांगली, प्रतिनिधी: महाराष्ट्र शासन सामाजिक न्याय विभाग अंतर्गत सहाय्यक आयुक्त, समाज कल्याण सांगली या कार्यालयाच्या अधिनस्त असलेल्या भारतरत्न डॉ. बाबासाहेब आंबेडकर मुलांचे शासकीय वसतिगृह तासगांव व मागासवर्गीय मुलींचे वसतिगृह पलूस येथे अनुसूचित जाती, अनुसुचित जमाती, विमुक्त जाती व भटक्या जमाती, आर्थिकदृष्ट्या मागास, विशेष मागास, विशेष मागास प्रवर्ग या सर्व प्रवर्गात समांतर आरक्षणाने अनाथ व अपंग यांना प्रवर्गनिहाय व गुणवत्तेनुसार इयत्ता ८ वी, ११ वी, प्रथम वर्ष बी.ए., बी.एस्सी., बी.कॉम., एम.ए., एम.एस्सी., एम.कॉम., आणि प्रथम वर्ष व्यावसायिक अभ्यासक्रमांचे शिक्षण घेत असलेल्या विद्यार्थ्यांसाठी प्रवेश दिले जातात. प्रवेश घेण्यासाठी इच्छुक असणाऱ्या जास्तीत जास्त विद्यार्थ्यांनी याचा लाभ घ्यावा, असे आवाहन वसतिगृह गृहपाल यांनी प्रसिध्दीपत्रकाव्दारे केले आहे.
वसतिगृहामध्ये मोफत निवास व भोजन व्यवस्था, निवास भत्ता, स्टेशनरी, सहल भत्ता इत्यादी सोयी सुविधा आहेत. अधिक माहितीसाठी मुलांचे शासकीय वसतिगृह तासगांव मो. क्र. 9545272892 व मुलींचे शासकीय वसतिगृह पलूस मो.क्र. 7083585633 या क्रमांकावर संपर्क साधावा, असे प्रसिध्दीपत्रकात म्हटले आहे.
00000
