लोकसभा अध्यक्ष ओम बिर्ला यांनी घेतले त्र्यंबकेश्वराचे दर्शन
नाशिक, प्रतिनिधी: लोकसभा अध्यक्ष ओम बिर्ला यांनी आज ज्योतिर्लिंग श्री क्षेत्र त्र्यंबकेश्वराचे दर्शन घेतले. यावेळी त्यांनी भगवान त्र्यंबकेश्वराचे विधिवत पूजन करून आरती केली तसेच देशाच्या प्रगती व समृद्धीसाठी प्रार्थना केली.
दर्शनावेळी मंदिर प्रशासनाच्या वतीने लोकसभा अध्यक्ष श्री. बिर्ला यांचे स्वागत करण्यात आले. यावेळी जिल्हा प्रशासन, पोलीस प्रशासन तसेच मंदिर संस्थानचे पदाधिकारी उपस्थित होते.याप्रसंगी त्र्यंबक नगरपरिषदेच्या नगराध्यक्षा त्रिवेणी तुंगार, निवासी उपजिल्हाधिकारी रोहितकुमार राजपूत, सहाय्यक जिल्हाधिकारी डॉ. पवन दत्ता, प्रशिक्षणार्थी जिल्हाधिकारी डॉ. जयकुमार आढे, तहसीलदार गणेश जाधव, पोलीस निरीक्षक प्रीतम चौधरी, विश्वस्त कैलास घुले, रुपाली भुतडा, त्र्यंबकेश्वर पुरोहित संघाचे अध्यक्ष मनोज थेटे आदी उपस्थित होते.तत्पूर्वी, लोकसभा अध्यक्ष श्री. बिर्ला यांनी तीर्थराज कुशावर्त येथेही विधिवत पूजा केली.
००००
