शिवाजीनगर पोलिसांची मोठी कारवाई! हत्या करण्याचा प्रयत्न आणि लुटमारीच्या प्रकरणात ३ आरोपी अटकेत, २ अल्पवयीन मुलांवर कारवाई!
मुंबई प्रतिनिधी –
मुंबई गवंडी विभागातील शिवाजीनगर पोलीस ठाण्यात CR No. 915/2026 अंतर्गत हत्या करण्याचा प्रयत्न आणि लुटमारीचा गुन्हा दाखल करण्यात आला आहे.
पोलिसांनी दिलेल्या माहितीनुसार, जुन्या वादातून २५ ऑक्टोबर २०२६ रोजी प्लॉट क्रमांक ४१, रोड क्रमांक १२, शिवाजीनगर, गोवंडी येथे नागेश आणि तक्रारदार हनीफ खान यांच्यावर धारदार शस्त्र आणि लोखंडी रॉडने हल्ला करण्यात आला. तसेच, आरोपींनी कथितरित्या ४,९०० रुपये लुटल्याचेही समोर आले आहे.
या प्रकरणात पोलिसांनी ३ आरोपींना अटक केली असून, २ अल्पवयीन मुलांविरुद्ध कायदेशीर कारवाई करण्यात आली आहे.या प्रकरणाचा पुढील तपास शिवाजीनगर पोलीस करीत आहेत.
