ठाणे जिल्ह्यातील भिवंडीत दापोडे येथे केमिकलच्या ड्रमने भरलेल्या ट्रकला भीषण आग…
पंडित प्रतिनिधी
भिवंडीत दापोडे येथे केमिकलच्या ड्रम ने भरलेल्या ट्रकला भीषण आग लागल्याची घटना घडली. या घटनेत ट्रकचे मोठे नुकसान झाले आहे. या घटनेची माहिती मिळताचं अग्निशमन दलाच्या जवानांनी घटनास्थळ गाठले आणि आगीवर नियंत्रण मिळवले.
भिवंडीत दापोडे येथे केमिकलच्या ड्रम ने भरलेल्या ट्रकला भीषण आग लागल्याची घटना घडली. या घटनेत ट्रकचे मोठे नुकसान झाले आहे. या घटनेची माहिती मिळताचं अग्निशमन दलाच्या जवानांनी घटनास्थळ गाठले आणि आगीवर नियंत्रण मिळवले. ट्रकला आग लागल्याचे समजताचं चालकाने ट्रकमधून उडी मारली. त्यामुळे सुदैवाने मोठा अनर्थ टळला
माहितीनुसार, या ट्रकमध्ये केमिकलचे ड्रम होते. आग लावल्याने ट्रकमधील केमिकलच्या ड्रमनेही पेट घेतला. त्यानंतर एकामागून एक स्फोट होऊ लागले. स्फोट झाल्याने हे ड्रम ट्रकच्या बाहेर पडत होते. यातील एक ड्रम रस्त्यावरील चायनीजच्या दुकानावर पडला. परिणामी, या दुकानाचे मोठे नुकसान झाले आहे
दापोडे परिसरातील नागरिकांनी प्रसंगावधान राखत या घटनेची माहिती नारपोली पोलिसांना दिली. यानंतर नारपोली पोलिसांनी घटनास्थळी धाव घेतली. पोलिसांनी तात्काळ अग्निशमन दलाला घटनास्थळी बोलावून घेतलं. त्यानंतर अग्निशमन दलाच्या जवानांच्या अथक परिश्रमातून ट्रकला लागलेली आग विझवण्यात यश आलं.
