रामा इंगळे (वय ५०) असे मृत फुगेवाल्याचे नाव आहे. तेबीड जिल्ह्यातील अंबाजोगाई तालुक्यामधील वाघाळा राडी येथील रहिवासी होते. रविवारी सायंकाळी साडे चार ते पाच वाजण्याच्या सुमारास ही घटना घडली. या घटनेत फुगे विकणारा एक जण जागीच ठार झाला तर १२ बालके गंभीर जखमी झाले आहेत. जखमी बालकांना लातूरच्या सरकारी रुग्णालयात दाखल करण्यात आले आहेत. यापैकी दोघांची प्रकृती चिंताजनक असल्याचे डॉक्टरांनी सांगितले.

मिळालेल्या माहितीनुसार लातूरमधील तावरचा कॉलनीमधील इस्लामपुरामध्ये फुग्यामध्ये गॅस भरताना. यासाठी वापरल्या जाणाऱ्यासिलेंडरचा स्फोट झाला आहे. त्यातील ९ जखमी लहान मुलं रुग्णालयात आलेली आहेत. त्या नऊ लहान मुलांचं वय ३ ते १२ च्या दरम्यान आहे. त्यापैकी एका पाच वर्षाच्या मुलीला ७० टक्के भाजलं आहे. बाकी मुलांपैकी एका मुलाचा हात मोडला आहे. बाकी सर्व मुलं धोक्याबाहेर आहेत.

फुग्यात गॅस भरण्याच्या सिलेंडरचा नेमका कशामुळं स्फोट झाला याचं कारण अद्याप समोर आलेलं नाही. मात्र, या घटनेमुळं एका व्यक्तीला प्राणाला मुकावं लागलं तर १२ चिमुकले गंभीर जखमी झाले आहेत. यामुळे सर्वत्र हळहळ व्यक्त केली जात आहे.