माजी सैनिक ‘आर्मी डे’ निमित्त रक्तदान शिबीराला प्रचंड प्रतिसाद
नवी मुंबई, प्रतिनिधी- ‘थल सेना दिवस (आर्मी डे)’ निमित्त आज शासकीय/निमशासकीय माजी सैनिक संघटना (कोंकण विभाग) व राज्य रक्त संकलन परिषद (महाराष्ट्र राज्य) अंतर्गत टाटा मेमोरियल हॉस्पिटल, खारघर, यांच्या संयुक्त विद्यमाने भव्य रक्तदान शिबीर आयोजित करण्यात आले.
या शिबीरात कुलाबा मुंबई येथील आर्मी स्टेशन मुख्यालयाच्यावतीने लावण्यात शस्त्र प्रदर्शन हे प्रमुख आकर्षण असणार आहे. विविध प्रकारची शस्त्रास्ये आणि त्याची माहिती उपस्थितींना करुन देण्यात आली ‘एक दिवस सैनिकांसाठी’ या संकल्पनेतून या शिबीराचे आयोजन करण्यात आले होते. या रक्तदान शिबीरातून 200 पिशवी रक्त संकलन करण्यात आले. तर शस्त्रास्य प्रदर्शनास दोन हजारा पेक्षा अधिक लोकांनी सहभाग घेतला.
शिबीर यशस्वी होण्यासाठी मुख्यप्रवर्तक संस्थापक रमेश जैद,पदाधिकारी अजित न्यायनिरगुणे, निलेश कांबळे, बसवेश्वर वसमनी,दिनका आरोटे, रविंद्र खोपटकर,नितीन सुर्वे, नारायण शिंदे, हरिभाऊ टापरे ,गणेश जाधव आदींनी परिश्रम घेतले.
