प्रणवी भिसेचे संस्कृत स्पर्धेत यश
जालना प्रतिनिधी: शहरातील ग्रंथ संग्रहालय श्रीराम वाचनालय, श्रीराम संस्कृत विद्यालय, अखिल भारतीय शालिवाहन संस्कृत प्रतिष्ठान, जालना यांच्या संयुक्त विद्यमाने आयोजित संस्कृत लक्ष्मी स्त्रोत्रम स्पर्धेत प्रणवी राजेश भिसे हिने घवघवीत यश संपादित केले आहे. डॉ.ए.पी.जे. अब्दुल कलाम यांची जयंती वाचन प्रेरणा दिन व शालेय संस्कृत स्पर्धा-२०२५ पारितोषिक वितरण साेहळ्यात पारितोषिकांचे वितरण करण्यात आले. यावेळी इयत्ता ६ वी ते १० वी च्या प्रथम, द्वितीय, तृतीय, उत्तेजनार्थ ३३ विद्यार्थ्यांचा प्रमाणपत्र व पारितोषिके देऊन गौरव करण्यात आला. तिच्या या यशाबद्दल श्रीराम वाचनालयाचे श्याम शेलगावकर, श्रीकांत शेलगांवकर, शैलेंद्र बदनापूरकर, सतीश नरवडे यांच्यासह अनेकांनी कौतुूक केले आहे.
