मिरवणुक मार्गावरील खड्डे बुजवा – शहरप्रमुख दुर्गेश काठोठीवाले
जालना : शिवजयंती मिरवणुक मार्गावरील काद्राबाद चौक येथील खड्डे बुजविण्यात यावे, महावितरणचे खांब, लोंबकळलेल्या तारांचा काढण्यात यावा,वाहतुकीची व्यवस्था करण्यात यावी,अशी मागणी शिवसेनेचे शहरप्रमुख दुर्गेश काठोठीवाले यांनी केली.आज छञपती शिवाजी महाराज जंयतीनिमित्त शांतता कमिटीची जालना पोलीस
प्रशासनाच्या वतीने बैठक आयोजित करण्यात आली होती. शिवजयंतीनिमित्त
आयोजित बैठकीत बोलतांना शिवसेनेचे शहरप्रमुख दुर्गेश काठोठीवाले बोलत होते. यावेळी पुढे बोलतांना काठोठीवाले म्हणाले की, जालना शहरातील मुख्यरस्त्यावर प्रचंड खड्डे पडलेले आहेत. तसेच काद्राबाद येथे पडलेले खड्डे जयंतीपुर्वीच बुजविण्यात यावे, तसेच जास्तीत-जास्त शिवभक्तांनी शिवजयंतीत सहभागी व्हावे, असे आवाहन दुर्गेश काठोठीवाले यांनी केले आहे.
