रस्ता सुरक्षा अभियानांतर्गत मोफत हेल्मेट वाटप

 

        सांगली, प्रतिनिधी राष्ट्रीय रस्ता सुरक्षा अभियान 2025 अंतर्गत उपप्रादेशिक परिवहन कार्यालय, सांगली यांच्या आयोजनामधून जिल्हा शल्य चिकित्सक कार्यालय अंतर्गत अधिकारी व कर्मचारी यांना मोफत हेल्मेट वाटप करण्यात आले. समारंभाचे उद्घाटन उपप्रादेशिक परिवहन अधिकारी प्रसाद गाजरे यांच्या हस्ते करण्यात आले.

या कार्यक्रमास अधिष्ठाता डॉ. प्रकाश गुरव, जिल्हा शल्य चिकित्सक डॉ. विक्रमसिंह कदम, मोटर वाहन निरीक्षक सागर भोसले, सहाय्यक मोटर वाहन निरीक्षक सतिश भोसले आदि उपस्थित होते.

उपप्रादेशिक परिवहन अधिकारी प्रसाद गाजरे यांनी हेल्मेट परिधानाबाबतचे फायदे व प्रात्यक्षिक दाखवले. जिल्हा शल्य चिकित्सक डॉ. विक्रमसिंह कदम यांनी रस्ता सुरक्षेबाबतच्या सर्व नियम व अटी पाळण्याबाबत उपस्थितांना आवाहन केले.

 वैद्यकीय शिक्षण विभागाकडील अधिपरिचारिका, परिचारिका, कार्यालयीन अधिकारी व कर्मचारी तसेच जिल्हा शल्य चिकित्सक कार्यालयांतर्गत नियमित व राष्ट्रीय आरोग्य अभियानांतर्गत अधिकारी व कर्मचारी यांना हेल्मेट वाटपाचा लाभ मिळाला.

  भगीरथ सुझुकी, सांगली संस्थेचे मालक दीपककुमार पाटील यांनी 150 हेल्मेट अधिकारी व कर्मचारी यांच्याकरिता उपलब्ध करुन दिले. श्री. पाटील यांचा 1000 हेल्मेट वाटपाचा संकल्प असून 26 जानेवारी 2025 रोजी पालकमंत्री चंद्रकांत पाटील यांच्या उपस्थितीमध्ये या संकल्पाचा शुभारंभ करण्यात आला होता.  या कार्यक्रमाचे नियोजन जिल्हा समन्वयक डॉ. प्रमोद चौधरी यांनी केले.00000