सीरियाची राजधानी दमास्कसमध्ये झालेल्या आत्मघातकी हल्ल्यात एलियास चर्चमध्ये १५ जणांचा मृत्यू झाला तर १३ जण गंभीर जखमी…
विदेश प्रतिनिधी-सीरियाची राजधानी दमास्कसमध्ये झालेल्या आत्मघातकी हल्ल्यात १५ जणांचा मृत्यू झाला तर १३ जण गंभीर जखमी झालेत. दमास्कसच्या बाहेरील ड्वेला येथे हा हल्ला झाला. लोक मार एलियास चर्चमध्ये प्रार्थना करत होते, त्यावेळी हल्लेखोराने स्वतःला उडवून दिले. स्थानिक माध्यमांनी दिलेल्या वृत्तानुसार, मृतांमध्ये मुलांचाही समावेश आहे.
दमास्कसमध्ये झालेल्या आत्मघातकी हल्ल्यात १५ जणांचा मृत्यू झाला तर १३ जण गंभीर जखमी झालेत. दमास्कसच्या बाहेरील ड्वेला येथे हा हल्ला झाला. लोक मार एलियास चर्चमध्ये प्रार्थना करत होते, त्यावेळी हल्लेखोराने स्वतःला उडवून दिले.
येथील आरोग्य मंत्रालयाचा हवाला सांगितले की, किमान १५ जण जखमी झाले आहेत. सीरियाचे माहिती मंत्री हमजा मुस्तफा यांनी या हल्ल्याचा निषेध केला आणि त्याला दहशतवादी हल्ला म्हटले आहे. “हा भ्याड हल्ला आपल्याला एकत्र आणणाऱ्या नागरी मूल्यांच्या विरोधात आहे. गुन्हेगारी संघटनांशी लढण्यासाठी आणि समाजाच्या सुरक्षेला धोका निर्माण करणाऱ्या सर्व हल्ल्यांपासून समाजाचे रक्षण करण्यासाठी आम्ही आमचे सर्व प्रयत्न वापरण्यास वचनबद्ध आहोत,” असे त्यांनी X वरील एका पोस्टमध्ये म्हटले आहे.
सूत्राने नाव न सांगण्याच्या अटीवर सांगितले की, हल्ल्यात दोन जणांचा समावेश होता, ज्यामध्ये स्वतःला उडवून देणाऱ्या व्यक्तीचाही समावेश होता. दरम्यान जानेवारीमध्ये पदभार स्वीकारण्यापूर्वी असदविरुद्धच्या हल्ल्याचे नेतृत्व करणारे सीरियाचे अध्यक्ष अहमद अल-शारा यांनी त्यांच्या कार्यकाळात अल्पसंख्याकांचे रक्षण करण्याचे वारंवार सांगितले आहे
हल्ला सीरियन राजवटीच्या सर्वात सुरक्षित क्षेत्रात झाला. सीरियाच्या सरकारी माध्यमांनी याला भ्याड दहशतवादी हल्ला म्हटले आहे. तथापि, अद्याप कोणत्याही संघटनेने या आत्मघाती हल्ल्याची जबाबदारी स्वीकारलेली नाही.
