जरातमधील वडोदरा जिल्ह्यात पूल कोसळून झालेल्या जीवितहानीबद्दल पंतप्रधानांनी केला शोक व्यक्त…

नवी दिल्ली प्रतिनिधी-गुजरातमधील वडोदरा जिल्ह्यात पूल कोसळून झालेल्या जीवितहानीबद्दल पंतप्रधान नरेंद्र मोदी यांनी तीव्र दुःख व्यक्त केले आहे. अपघातात जखमी झालेल्या लोकांच्या प्रकृतीत लवकरसुधारणा व्हावी यासाठी मोदींनी प्रार्थना केली आहे.

पंतप्रधानांनी मृतांच्या नातेवाईकांना पंतप्रधान राष्ट्रीय मदत निधीतून 2 लाख रुपये आणि जखमींना 50,000 रुपये सानुग्रह अनुदान जाहीर केले.पंतप्रधान कार्यालयाने X या समाजमाध्यमावर पोस्ट केले;

“गुजरातमधील वडोदरा जिल्ह्यात पूल कोसळून झालेल्या जीवितहानीमुळे खूप दुःख झाले आहे. ज्यांनी आपल्या प्रियजनांना गमावले आहे त्यांच्याबद्दल शोक व्यक्त करतो. जखमी लवकर बरे व्हावेत अशी प्रार्थना करतो.मृतांच्या नातेवाईकांना पंतप्रधान राष्ट्रीय मदत निधीतून 2 लाख रुपये मदत दिली जाईल. जखमींना 50,000 रुपये मदत दिली जाईल: पंतप्रधान @narendramodi”