मुख्यमंत्री ना.देवेंद्रजी फडणवीस व पालकमंत्री पंकजाताई मुंडे यांच्या वाढदिवसानिमित्त भव्य महा रक्तदान अभियानाचे आयोजन..

जालना,  (प्रतिनिधी) – महाराष्ट्राचे लोकप्रिय व दूरदृष्टीचे मुख्यमंत्री मा.ना.देवेंद्रजी फडणवीस साहेब तसेच जालना जिल्ह्याच्या कार्यसमर्पित पालकमंत्री मा.पंकजाताई मुंडे यांच्या वाढदिवसानिमित्त भारतीय जनता पार्टी, जालना महानगर जिल्ह्याच्या वतीने भव्य महा रक्तदान अभियान आयोजित करण्यात आले आहे.

या महाअभियानाचे नेतृत्व भाजप जालना महानगर जिल्हाध्यक्ष भास्कर आबा दानवे यांच्या पुढाकाराने होत आहे. सामाजिक बांधिलकीच्या भावनेतून व “एक थेंब रक्त, एक जीव वाचवा” या प्रेरणादायी संकल्पनेवर आधारित हे रक्तदान शिबिर राबविले जात आहे. हे शिबिर गरजू रुग्णांसाठी संजीवनी ठरणार आहे.22 जुलै 2025 रोजी सकाळी 9 ते दुपारी 4 या वेळेत नवीन जालना मंडळाचे शिबिर भाजपा कार्यालय, जालना येथे व ग्रामीण जालना मंडळाचे शिबिर नाव्हा, ता. जालना येथे होणार आहे. 23 जुलै रोजी पूर्व जालना मंडळाचे शिबिर रुपम हॉल, हॉटेल मधुबनच्या मागे, छ. शिवाजी महाराज पुतळ्याजवळ, जालना येथे, तर 24 जुलै रोजी जुना जालना मंडळाचे शिबिर काळुंका माता मंदिर संस्थान सभागृह, गांधी चमण, जुना जालना येथे आयोजित करण्यात आले आहे.

रक्तदान केल्यानंतर प्रत्येक रक्तदात्याला प्रमाणपत्र देण्यात येईल. सर्व आरोग्य खबरदाऱ्या पाळून शिबिरे आयोजित केली जात आहेत. जालना महानगरातील जिल्ह्यातील जास्तीत जास्त नागरिकांनी या पुण्यकार्यात सहभागी व्हावे असे आवाहन भाजपा जालना महानगर जिल्हाध्यक्ष भास्कर आबा दानवे यांनी केले आहे.